លោក គង់ សំអុន៖ លោក ខៀវ សំផន ត្រូវការកុំព្យូទ័រដើម្បីបញ្ចប់សៀវភៅមួយក្បាលក្នុងពន្ធនាគារ

លោក ខៀវ សំផន អតីតប្រមុខរដ្ឋនៃរបបកម្ពុជាប្រជាធិបតេយ្យកំពុងត្រូវការកុំព្យូទ័រមួយគ្រឿង ដើម្បីបញ្ចប់ការសរសេរសៀវភៅមួយក្បាលរាប់រយទំព័រ ដែលសៀវភៅនេះលោកបានចងក្រងជាច្រើនឆ្នាំមកហើយនៅក្នុងពន្ធនាគារសាលាក្តីខ្មែរក្រហម។ លោក គង់ សំអុន មេធាវីរបស់លោក ខៀវ សំផន បានផ្តល់កិច្ចសម្ភាសរយៈពេលជាង៥នាទី ជាមួយវិទ្យុបារាំងអន្តរជាតិ RFI នៅថ្ងៃនេះថាកុំព្យូទ័រលោក ខៀវ សំផន បានខូចអំឡុងពេលដែលសាលាក្តីខ្មែរក្រហមផ្ទេររូបគាត់ទៅកាន់ពន្ធនាគារខេត្តកណ្តាល ដើម្បីអនុវត្តទោសជាប់ពន្ធនាគារអស់មួយជីវិត។ ក៏ប៉ុន្តែខាងពន្ធនាគារមិនអនុញ្ញាតឲ្យលោក ខៀវ សំផន ប្រើកុំព្យូទ័រឡើងវិញទេ បន្ទាប់ពីត្រូវបានជួសជុលរួចហើយ ដោយពេលនេះ លោកមេធាវីកំពុងដាក់លិខិតស្នើសុំទៅក្រសួងមហាផ្ទៃដើម្បីសុំការអនុញ្ញាតឲ្យលោក ខៀវ សំផន អាចបន្តប្រើប្រាស់កុំព្យូទ័រសម្រាប់ពិនិត្យផ្ទៀងផ្ទាត់ជាចុងក្រោយសៀវភៅរបស់គាត់ ដែលមានខ្លឹមសាររៀបរាប់ចាប់តាំងពីការចូលតស៊ូក្នុងចលនាខ្មែរក្រហមដំបូងមក។ តាមលោក គង់ សំអុន ការសរសេររបស់លោក ខៀវ សំផន ក៏មានខ្លឹមសារដោយឡែកពីអ្វីដែលអ្នកចងក្រងប្រវត្តិសាស្ត្រកន្លងមក ដែលសរសេរតែភាគីម្ខាងក្នុងនាមជាអ្នកឈ្នះ។


🔔 Please subscribe: https://rfi.my/YTkm

🌍 ទទួល​​ព័ត៌មាន​នៅ​ជុំវិញពិភពលោក​ដោយ​ផ្ទាល់ https://www.rfi.fr/km/

ភ្ជាប់ជាមួយ​ហ្វេសប៊ុក​របស់​យើង https://rfi.my/FBkm
ទទួលព័ត៌មានពី​យើង​តាម​​ធ្វីតធ័រ https://rfi.my/TWkm
ទទួលព័ត៌មាន​តាម​តេឡេក្រាម https://rfi.my/TGkm