Скачать или смотреть परळीत १५ वर्षांनी मुंडे भावंडांची युती, भाजप-राष्ट्रवादी एकत्र येणार | Munde Siblings Alliance

बीड जिल्ह्यातील परळीच्या राजकारणात मोठी उलथापालथ होण्याची शक्यता आहे, कारण तब्बल पंधरा वर्षांनंतर मुंडे भावंडं एकत्र येणार आहेत. आगामी परळी नगरपरिषद निवडणुकीसाठी भाजप नेत्या पंकजा मुंडे आणि राष्ट्रवादी काँग्रेसचे (अजित पवार गट) नेते धनंजय मुंडे यांच्यात युती होण्याची दाट शक्यता आहे. सूत्रांनी दिलेल्या माहितीनुसार, दोन्ही पक्षांमध्ये प्रत्येकी पंधरा जागा वाटपाचा फॉर्म्युला ठरू शकतो. या संभाव्य युतीवर प्रतिक्रिया देताना एका स्थानिक कार्यकर्त्याने म्हटले की, 'धनंजयजी मुंडे आणि ताईसाहेब यांची ताकद एकत्र झाल्यानंतर महायुतीचा विजय निश्चितच आहे.' या युतीवर आज शिक्कामोर्तब होण्याची शक्यता वर्तवण्यात येत असून, अंतिम निर्णय पंकजा मुंडे घेतील असेही सांगण्यात येत आहे.

#PankajaMunde #DhananjayMunde #Parli #MaharashtraPolitics #BJP #NCP #AjitPawar #MundeAlliance #Beed #SaamTV #MarathiNews #LocalElections