අසිරිමත් පුෂ්ප පුජාවන් - හලුගම කලණ මිතුරු සමාජය

🌸ගෞතම බුදු සසුනේ පුෂ්ප පුජා සිදු කර හලුගම කලණ මිතුරු සමාජය රැස් කළා වූ සියලු පින් සතුටු වූ සිතින් අනුමෝදන් වෙත්වා..!!🌸
🌸උතුම් රුවන්වැලි සෑ රජුන් නේක සුවඳ මලින් පුද පූජා පැවැත්වීම.
🌸මුතුගල අනාගරිකා අසපුවේ උතුම් බෝධීන් වහන්සේට නේක සුවඳ මලින් පුද පුජා පැවැත්වීම.
🌸2023 සහ 2024 වර්ෂවල පොල්ගහවෙල මහමෙව්නා අසපුවේ පොසොන් පොහොය දින සත් බුදු රජාණන් වහන්සේලා නේක මලින් පුද පූජා පැවැත්වීම.
🌸2023 සහ 2024 වර්ෂවල වාර්ෂිකව පින්වත් අමිත දීප ස්වාමින්වහන්සේ වැඩමවීමෙන් සිදු කරණු ලැබු ධර්ම දේශනාමය පිංකම සඳහා පින්වත් ස්වාමින්වහන්සේ වැඩම කරන මාර්ගය මලින් සැරසවිම සහ භාග්‍යවතුන් වහන්සේට අසිරිමත් මල් පුජාවන් පැවැත්වීම.
🌸භාග්‍යවතුන් වහන්සේ ඇතුළු ඒ උතුම් රහතන් වහන්සේලාගේ ධාතුන් වහන්සේලා උදෙසා දින තුනක් සුවඳ හමන පිච්ච මලින් පුද පුජා පැවැත්වීම.
🌸පසුගිය වස් කාලයේ පොල්ගහවෙල මහමෙවුනාවේ වස් සමාදන් වූ ආර්ය මහා සඟ රුවන දනට වඩින විට දන් ශාලාවට පැමිණෙන මාර්ගය නෙලුම් මලින් සහ නේක මලින් සැරසීම.
🌸පොල්ගහවෙල මහමෙවුනාවේ අප සරණ ගිය භාග්‍යවතුන් වහන්සේගේ බුදු ගුණ ගැන රැය පහන් වනතුරු පැවති දේශනයේ ධර්ම මණ්ඩපය මලින් සැරසීම.
🌸පොතුහැර මහමෙවුනාවේ අභිනවයෙන් ඉදි කරන ලද ශ්‍රී ශාක්‍ය සිංහ සෑ රජුන්ගේ පේසා වළලු මත සකසන ලද භාග්‍යවතුන් වහන්සේ ගේ පිළින්ද වච්ච මහරහතන් වාහ්න්සේගේ මල් සෑයන්ට මල් සපයා දීම සහ අහසින් මල් පුජාවන් පැවැත්වීම.
🌸පොතුහැර මහමෙවුනාවේ අභිනවයෙන් ඉදි කරන ලද ශ්‍රී ශාක්‍ය සිංහ සෑ රජුන්ගේ ධාතු ගර්භයේ භාග්‍යවතුන් වහන්සේගේ ධාතුන් වහන්සේලා සමග කිසිදා පර නොවන රන් ආලේපිත මල් 124ක් තැන්පත් කිරීම.

මල් පූජාවේ ආනිසංස..!
පදුම හිමි පෙර ජීවිතයකදී පදුමුත්තර බුදුරජාණන් වහන්සේ පුමුඛ මහා සංඝරත්නයට එක් පියුමක් ගෙන පූජා කළ පිනෙන් මල්පෙති ගණනට සක්විති රජව ඉපදුනා. හත්සිය වතාවක් පෘථුවි රාජ්‍ය කලා. අවසානයේ නිවන් සුව ලැබීමට ඒ පින හේතු වූ බව පෙන්වා ඇත.
(අපදාන පාලි බු:ව: 193 පිට)
තිඋප්පලමාලිය හිමි විපස්සී බුදුරජුට උපුල් මල් තුනක් පුදා කල්ප අනූ එකක් දුගතියකට නො යන ලදී. මේ පිනෙන් තුන්සිය වතාවක් සක් දෙව් රජ වී ඉපදුනා. පන්සිය වතාවක් සක්විති රජ වුණා. අවසානයේ නිවන් දැකීමට ද මේ පින උපනිශ්‍රය වුණා. බලන්න සත්පුරුෂයෙනි, හැදුනු සිතකින් පින්කම් කිරීමේ අගය.
(අපදාන පාලිය 342 අපදානය)
සත්තුප්පල මාලක තෙරණිය පෙර ජීවිතයක සිඛී බුදුරජාණන් වහන්සේට මානෙල් මල් සතක් එකඟ සිතින් නුවණ යොදා පිදූ පිනෙන් වාර හැත්තෑ හතක් දෙදෙව් ලොවට අධිපති සක් දෙවිඳු ගේ බිරිඳ වී උපන්නා ය. ඒ මලේ පාට හා සුවඳ ඇයට හැම දිවියකදී ම ලැබුණු අතර අවසානයේ නිවනට ද මේ උතුම් පින උපනිශ්‍රය විය.
ථේරි අපදානය
තිකණිකාර පුප්ථිය හිමි සුමේධ බුදු රජාණන් වහන්සේට කිණිහිරියා මල් තුනක් පැහැදුන සිතින් නුවණ යොදා පූජා කල පිනෙන් තුන්සිය වතාවක් සක්විති රජවිය. පන්සිය වතාවක් සක් දෙව් තනතුර ද හැම ජීවිතයකදී ම පහත සදහන් විපාක ද ලැබුණා හ.
මහත් භෝග සම්පත් ඇත්තෙකු වුණා.
පහත් කුලවල නො ඉපිද උසස් කුලවල ම ඉපදුනා.
කැමති කැමති යාන වාහන ලැබුණා.
බොහෝ රූමත් ස්ත්‍රීන් හා දැසි දස්සන් ලැබුණා.
බොහෝ අගනා වස්ත්‍රාභරණයන්ට ලාභී වුණා.
සෑම කල් හි අන් අය ගේ ගෞරවයට පාත්‍ර වුණා.
උසස් කීර්තියක් ඇත්තෙක් වුණා.
සෑම කල් හි බොහෝ පිරිවර ජනයා ඇත්තෙක් වුණා.
තම පිරිස කිසිවෙකුට භේද කළ නො හැකි වුණා.
ඥාතීන් අතර උසස් (උතුම්) ශ්‍රේෂ්ඨයෙකු වුණා.
ශීත උෂ්ණ වලින් පීඩාවක් නො වුණි.
කායික හා මානසික දාහ නැති උතුමෙක් වුණා.
(අපදාන පාලි: 501 වන අපදානය)
අවසානයේ නිවන් සුව අවබෝධයට ද ඒ උතුම් පින උපනිශ්‍රය වුණා.