Скачать или смотреть 𝐏𝐫𝐨𝐟. 𝐀𝐧𝐚𝐧𝐠𝐢𝐬𝐲𝐞: 𝐖𝐚𝐧𝐚𝐰𝐚𝐤𝐞 𝐖𝐚𝐤𝐢𝐰𝐞𝐳𝐞𝐬𝐡𝐰𝐚, 𝐖𝐚𝐧𝐚𝐛𝐚𝐝𝐢𝐥𝐢𝐬𝐡𝐚 𝐉𝐚𝐦𝐢𝐢 𝐧𝐚 𝐓𝐚𝐢𝐟𝐚 𝐊𝐮𝐧𝐮𝐟𝐚𝐢𝐤𝐚

Makamu Mkuu wa Chuo Kikuu cha Dar es Salaam, Prof. William A. L. Anangisye, amesema kuwa Chuo kimeendelea kuweka mikakati madhubuti ambayo imewezesha kufikia mafanikio makubwa katika kuwawezesha wanawake kupata fursa nyingi Chuoni na kuchangia maendeleo kwa ujumla.

Prof. Anangisye ameyasema hayo wakati akitoa ujumbe wake katika kilele cha siku ya kimataifa ya wanawake duniani, inayoadhimishwa tarehe 8 Machi kila mwaka.

Kwa upande wa wanafunzi, amesema kuwa chuo kimeongeza wigo wa udahili ili kuchangia upatikanaji wa elimu ya juu kwa mtoto wa kike huku viwango vya udahili vikiendelea kuzingatiwa kwa wote. Pia kinaendelea kuwajengea uwezo wa kujiamini hasa katika masomo ya sayansi na kuwahamasisha kuwa mstari wa mbele katika uongozi.

Aidha, chuo kinaweka mazingira rafiki kwa wanawake kufikia malengo yao kitaaluma na kupanda vyeo ili kuwa na uwakilishi sawa katika ngazi za maamuzi, huku kikiondoa dhana ya ubaguzi wa aina yoyote ndani ya jamii ya chuo kikuu ili kulinda haki na usawa. Ametoa wito kwamba wanawake wapewe fursa mbalimbali kwani wanaweza.