Скачать или смотреть 立法會發言 |

立法會會議上，有議員提出「善用土地資源，加快發展離島地區」議案，對此我表示支持。早前我就《財政預算案》向財政司司長提交建議書，當中建議政府增強本地消費市場吸引力，包括開拓旅遊新地標及更改海洋公園部分土地用途等。
現時包括大嶼山在內嘅離島，仍然有好多土地未被充分利用同發展，政府應該深入研究如何善用離島資源，規劃發展發揮離島經濟效益。其中我建議針對發展小島旅遊，開拓新旅遊地標。疫情期間，香港積極發展本地旅遊，發掘咗唔少深度旅遊活動，隨着解封亦吸引唔少旅客。但政府方面，並未有全面規劃去推動離島或小島沙灘旅遊發展。
近年每逢假日，唔少市民都會自己組團或參加本地團到個離島一日遊，各大傳媒亦有「離島好去處」報道，介紹各個離島好玩好食推介及交通攻略，大家熟悉嘅南丫島、大澳、長洲、坪洲等外，仲有擁有優美景色、奇岩怪石及天然海灘嘅離島，如蒲台島、塔門、東龍島、鹽田梓及吉澳等。但有不少地方，雖然擁有優美嘅天然資源，但並沒有規劃，市民需要自備器具，部分資源甚至被荒廢，沙灘遍佈垃圾，又唔容許作其他用途，就連擺放沙灘遮都唔得。
個人認為香港有發展小島旅遊嘅空間，建議政府考慮開發更多小島或隱世沙灘，全面做好旅遊、交通、基建等配套規劃，打造成具香港特色嘅旅遊度假小島。面積較細嘅，可考慮興建休閒度假屋，土地較充裕嘅，甚至可以興建度假村、酒店等。以環保、減少破壞自然生態及環境為大前題，配合現時流行嘅遊樂設施，如野外歷奇、小島深度遊體驗等，為香港開拓旅遊新地標。
大型旅遊設施必須要無中生有出奇制勝，就好似廣州興建室內滑雪場，先可以引人入勝，令人覺得新奇。新的旅施景點，一定要用大膽、大手筆、大規模嘅心態去建設，先可以打造出吸引旅客嘅新景點。此外，要發展離島必須先做好基礎設施，尤其係數碼基建，有完善嘅5G網絡先可以配合同推動各方面發展，希望特區政府認真考慮我嘅建議。

#邱達根
#DuncanCHIU
#科技創新界
#離島
#本地遊
#小島遊
#旅遊新地標

__
Facebook: https://www.facebook.com/profile.php?...
Instagram:   / duncanchiu2021