'Upe 'o Lupepau'u - Kuila.

'Upe 'o Lupepau'u - Kuila.Fa'u 'a Ve'ehala(Leilua).

FANGATAPU MOE MAKAMAILE
KUOU FANONGO KIHE VĀKĒ
KOE HIKULE’O ‘OE LAIONE
‘ENE TATANGI HE HALA SALOTE
HALAPUOPUA HALA’OVAVE
VEIONGO KAU KO POLATA’ANE
TUKUNGA ‘EKU TĀLAVE

SI’I TU’U ‘AE FU’U HEILALA
KO HUATATAU HONO HINGOA
‘OKU ‘ATA HE FOHELOA
KAUKAU IHE FAKALAKEPA
KE TUEE ‘AE TELETELEKANGA
FETU’U PŌ ‘O TULI KAVEINGA (2X...…..)
TAU
TALAANGE KIHE KOLOKAKALA
MOHA FINE TOLI ‘I ‘UTULIFUKA
KE TUIA HA SISI FUNGANI UA
PEA ‘OMI KIHE MATANGITONGA
NA’A MA TEUNGA KI NUKU’ALOFA
‘OKA OSOOSO E TAULANGA

‘E LUPEPAU’U TEU HIVEHIVA
HE KUO KE TAUELE KIA KITA
KA KE FUA KETA ‘EVA FIEFIA
KI MUIFONUA KIHE ‘OTUSIA
‘ULUKAULUPE KOE MO’ONIA
HE KOE FUNGANI IA ‘E VIKIA
KEI TU’U KOE FETU’U NGINGILA
TAHAKAEAFE ‘I POLINISIA (2X)