Скачать или смотреть خالد الشبيب - سلم على الدار - جديد

أليا تناشت نصوبه وانتثر وبله
سلم على الدار والديره ومن فيها
واتبع سحابه وسج النفس واطربله
ولايشغلك حاظر الدنيا وماضيها
مثل ماقاله ولد فيصل وتحسبله
عذبات الأيام ماتمدى لياليها
أما اتجه شرق والا فتجه قبله
من وين مالاحت أبروقه تلاحيها
وابعد عن أهل اللغاء والكلمه الخبله
اللي ماتدري تعالى وين مغديها
ناسن تجمع ليامن قرعة الطبله
وتصد لاشمرت بقعا بياديها
من لايحسب مقامك لاتحسبله
الناس ماتحترم لولا مباديها
واللي بعد من مزاجه لاتقربله
خل الليالي تبين له خوافيها
ولاتمدح الخيل دامه داخل أصطبله
مدام ماشقت البيدا مواطيها
ولايرد العد منهو قاصرن حبله
والناس بفعولها ينبيك طاريها
حنا نعرف الحكيم ونعرف الأبله
ونعرف من ياخذ الجزله ويعطيها
هذا وأنا مايونسني ولا اتعبله
الا الذي حبها من حب راعيها
وانفسي اللي بحب الذود منهبله
عسى الولي من حقوق المزن يسقيها
الرجل منا نشاء في امحبته للأبله
والناس كلن على مالله منشيها

مبارك بن مدغم الأكلبي