Скачать или смотреть கிளி மூக்கு வால் சேவல் கண்காட்சி

கிளி மூக்கு வால் சேவல் கண்காட்சி

சேவல் வளர்ப்பில் இரண்டு வகைகள் உள்ளன, அவை பண்ணை வளர்ப்பு மற்றும் வீட்டு வளர்ப்பு. இவ்விரு வளர்ப்பிலும், திறந்த வெளி மற்றும் கூண்டு முறை வளர்ப்பே பின்பற்றப்படுகிறது. இந்த இரு வளர்ப்பு முறைகளை பொறுத்தே, அதன் தோற்றமும், உற்பத்தி திறன் மற்றும் பழக்கமுறைகளும் அமைகிறது. திறந்த வெளி வளரிப்பில், அதிக கவனம் தேவையில்லை, உணவுப்பொருள் சிக்கனம் மற்றும் நிரந்தர இடத்தேவையும் இல்லை. ஆனால் தனி கவனிப்பு குறைவு, நோய்வாய்ப்படுத்தல் அதிகம் மற்றும் தொற்று வியாதிகள் பாதிப்பும் இருக்கும்.

சேவல் வளர்ப்பிற்கு கூண்டு வளர்ப்பு முறையே சிறந்தது. இதனால் சேவல்களின் உற்பத்தி வீரியம் அதிகரிப்பதோடு மட்டுமல்லாமல் அவற்றின் அழகும் பாதுகாக்கப்படும். இவ்வகை வளர்ப்பு
முறையை பின்பற்றுவது சிறிது கடினம்தான். ஏனென்றால் இதற்கென தனி கவனம் தேவை. இவ்வாறு கூண்டு வளர்ப்பு முறைக்கு பக்குவப்பட்ட தாய்க்கோழி அதற்கேற்றவாரே, தான் குஞ்சுகளையும் வளர்க்கின்றது. குஞ்சு பொறித்த கோழிகள் தன் குஞ்சுகளை வளர்ப்பதில் மிகுந்த கவனத்துடன் இருக்கும், ஆதலால் அவற்றை மற்ற கோழிகளிடம் இருந்து பாதுகாப்பாக வைக்க வேண்டும். அவற்றிற்கு அமைக்கப்படும் கூண்டுகளில் தாய் வெளியே போகாவண்ணம் அமைக்க வேண்டும். மூன்று மாதத்திற்கு பின் குஞ்சுகளை பிரித்து கூண்டுகளில் அடைக்க வேண்டும். குஞ்சுகள் பெரியதாய் ஆனபின், ஒன்றை ஒன்று சண்டையிடும், அப்போது அவற்றை தனி கூண்டுகளில் பராமரிக்க வேண்டும். இவ்வாறு கூண்டு வளர்ப்பில், தினகவனிப்பு தேவை. அவற்றின் உணவு முறை அளவானதாக இருக்க வேண்டும். வாரம் ஒரு முறை அவற்றை நீச்சல் பயிற்சி கொடுக்க வேண்டும். ஒரு வயதை அடைந்த சேவல்களை, தனி கூண்டுகளில் வளர்ப்பதனால் இவற்றின் உற்பத்தி வீரியத்தன்மை அதிகரிக்கும்.
பெரும்பாலும் வால் சேவல்களுக்கு கூண்டு வளர்ப்புதான் சிறந்தது, 3 க்கு 6 என்ற விகிதத்தில் கூண்டு அமைப்பதால் அவற்றின் வால் அழகாகவும், தொய்வு அடையாமலும் இருக்கும். மேலும் கூண்டுகளை இரும்பினால் ஆனா கம்பிகளால் அமைக்க வேண்டும். தொடர் கூண்டுகளில் தடுப்பு அமைப்பது அவசியம்.
எங்கள் வீட்டு பண்ணையில் கூண்டு வளர்ப்பு முறையையே பின்பற்றுகிறோம். இதனால் சேவல்களை மிகுந்த கவனத்துடம் பாதுகாத்து வளர்க்கிறோம்.
நமது முகநூல் மூலம் அறிமுகமான பழனி மாவட்ட நண்பர் காமாட்சி.. நேற்று மதுரை வந்தார், எங்களுடைய வீட்டுப்பண்ணையையும், எங்களது இன சேவல்களையும் கண்டு மகிழ்ச்சி தெரிவித்தார். மூன்று வருடங்களாக இவர் சேவல் வளர்த்து வருகிறார். நல்ல பெட்டை கோழி தேடி வந்த இவர் பயணம்...... மதுரையில் முடிவடைந்தது. மதுரையில் உள்ள எங்கள் நண்பர்களை அறிமுகம் செய்தோம். நண்பர் கள்ளந்திரி செல்லதுரை அவர்களிடம் நல்ல கோழி ஒன்று 8000 ரூபாய்க்கும், எங்களிடம் 5000 ரூபாய்க்கு கருப்பு விடைக்கோழி ஒன்றும் வாங்கினார். முகநூலின் அணுகி சிலரிடம், முன்பு ஏமாற்றத்தை அடைந்ததும் கூறினார். குறைந்த விலையில் நல்ல கோழிகள் கிடைத்ததாக மகிழ்ச்சியுடன் தெரிவித்தார்.