Скачать или смотреть حصريا شيله شيب العيون كلمات مبارك الحنيني أداء فيصل الرفاعي💔

إشترك وفّعل التنبيهات في قناة :

-
كلمات | Lyrics ( مبارك الحنيني )
بصوت | performance ( فيصل الرفاعي )
تنفيذ | استديو نغمة بيات
-
سنابي :
‏https://www.snapchat.com/add/faisal739266

للتواصل للتنسيق :
0536852123+



الكلمات | Lyrics


تلقون شيب العيون اللي يقولونه
بالعاشق اللي عياه فراق خلانه
يثّر عليه ويبين بنظرة عيونه
نظرة عيون المريض ابلغ من لسانه
حتّى ولو حاول يجاوبك وشلونه
مايقدر يترجم الحاصل بوجدانه
يعيش ميّت مادام الروح مرهونه
ميّت ويمشي مع العالم بجثمانه
ويزيد همه جهاهيلٍ يعذلونه
زاد مرضه بلشته بعقول مرضانه
يستدرجونه لحقل الغام مدفونه
يعطونه الحنظله بقشور رمانه
مايعرفون الهوى العذري وقانونه
لو حاولو يدرسونه مالهم خانه
العشق يبغى الرجال اللي مايبغونه
مايقبلون احد يحكمهم بسلطانه
يبلا ضحاياه بالقوّه مايبلونه
خل الهواوي وباروده ونيشانه
العاشق يمر وسط احداث مجنونه
من استراق النظر ليوم خذلانه
يبدا بدايات خداعه وملعونه
تشوف عينه حصاة المرو مرجانه
العمر يرجع به ويشعر بكينونه
وجهه يعيد الحياة وتصفي الوانه
يقبل عليه السعد وتقفّي شجونه
وسعادته بيّنه من ضحك حجانه
مايدري انه يعبي دفتر ديونه
شيكات الاحزان في صندوق ديّانه
واليا ابتعد عنه خله واقفت ضعونه
يسدد اللي مضى مدبول باحزانه
انتج تصادم رجاهـ بخيبة ضنونه
اعراضه الانسحابيه من ادمانه
توّهـ تجلى الغبار وحس بطعونه
سيفه تثلّم وشاف الكسر بحصانه
سلوته يغرف بها من بحر طاعونه
يبطي وهو بين مطرقته وسندانه
خلّوهـ للوقت كان الله في عونه
والله ماينجيه غير الله سبحانه


‏s01.babup.com/uploads/ADFPLLCFF-1.mp3