நோய்கள் நீங்க. திருத்தணி திருப்புகழ். பைரவர் மகிழ

திருத்தணிகை. நோயற்ற வாழ்வு பெற  நோய்கள் பிறவிகள் தோறும்

என்னை நலியாத படி, உனது திருவடியைத் தந்து அருள்.

 

·        தனதன தான தனதன தான

                         தனதன தான ...... தனதான

 

இருமல், உரோகம், முயலகன், வாதம்,

     எரிகுண, நாசி ...... விடமே, நீர்

இழிவு, விடாத தலைவலி, சோகை,

     எழுகள மாலை, ...... இவையோடே,

 

பெருவயிறு, ஈளை, எரிகுலை, சூலை,

     பெருவலி, வேறும் ...... உளநோய்கள்,

பிறவிகள் தோறும் எனை நலியாத-

     படி, உன தாள்கள் ...... அருள்வாயே.

 

வரும் ஒரு கோடி அசுரர் பதாதி

     மடிய, அநேக ...... இசைபாடி

வரும், ஒரு கால வயிரவர் ஆட,

     வடிசுடர் வேலை ...... விடுவோனே

 

தரு நிழல் மீதில் உறை முகில் ஊர்தி

     தரு திரு மாதின் ...... மணவாளா!

சலம் இடை பூவின் நடுவினில் வீறு

     தணிமலை மேவு ...... பெருமாளே