Скачать или смотреть తమిళనాడులో 40 శాతం తెలుగు వాళ్లున్నారు I తెలుగు భాష అస్థిత్వంపై సవెం రమేశ్ తో రహ్మానుద్దీన్ సంభాషణ

#telugu #tamil #language ‪@3tvnetwork‬

అందరికీ తెలుగు నెరవు దండాలు

మీతో నాలుగు మాటలను పంచుకోవాలనుకొంటున్నాం. మన అమ్మనుడి తెలుగును గురించిన మాటలు ఇవి. మనసు పెట్టి వినమని మనవి. హరప్పా, మొహెంజదారో వంటి నగరాలు విలసిల్లిన సింధూ నాగరికత ప్రజలు తెలుగువారు. ప్రపంచంలో గొప్పగొప్ప గుడులను కట్టించినవారు తెలుగువారు. చాలా దేశాలకు విస్తరించిన ద్రావిడభాష తెలుగు. శ్రీలంక మూలవాసులు అహికుంటికలు అనబడే తెలుగువారు. ఏమిటి సాక్ష్యం, ఆధారాలు ఏమి ఉన్నాయి, అంటే ఒకటి కాదు రెండు కాదు ఎన్నో.

ఇవే కాదు, ఇప్పటి తమిళనాడులోని మొత్తం కళలలో నూటఅయిదు తెలుగువారి కళలు. కన్నడ, మరాఠా, ఒడియా రాష్ట్రాలలో కూడా పదుల లెక్కన తెలుగుకళలు ఉన్నాయి. దేవరాట, సేవాట, జిక్కాట, జింపలాట, చెక్కపుల్లలాట, కొక్కిలికట్టాట, పడుకాసియాట, వీరాకాసియాట, రోకలాట, జంగాలాట, హొయలాట, బయలాట, కొయ్యబొమ్మలాట, కమ్మిబొమ్మలాట, అంజాట, గొల్లాట... చెప్పుకొంటూ పోతుంటే సుడుగాడుసిద్దులు, గొరవయ్యలు, కేపుమార్లు, గెడలవారు, సవరాలవారు, సాటడికారులు, నాయనోళ్ళు, పూపండారాలు, ఆండిపండారాలు, ఉప్పాండి, పప్పాండి, పత్తాండి, పరంపరాండి, కోవనాండి, నాళిమాణికార్లు, దొమ్మరి, బుడబుక్కల, తోకల, నిద్ర, జామకోడంగి, బూమెద్దుల, గంగెద్దుల, పూసల జంగమ, మల్ల జంగమ, పచ్చ జంగమ, పగడాల జంగమ, నగిరి జంగమ, సామగార్లు, లండవార్లు, పూదాసరి, మాలదాసరి, దోవదాసరి, మాదిగదాసరి, తడికదాసరి, దొమ్మిదాసరి, చెన్నదాసరి, పందికుళువ, కోతికుళువ, పాముకుళువ, నక్కకుళువ, కరడికుళువ, వార్వార్, మందులవార్, ఉచల్య, నాధ్ జోగి... ఇటువంటి వందల సంచారతెగలు, ఒక్కొక్క తెగలోనూ ఒక్కొక్క కళారూపం.

డొక్కల, పిచ్చిగుంట్ల, బైని, గుడారం, పిచ్చకణ్ణు, హెళవ, నొక్కం, ఒంటిపులి, కూనపులి, అద్దం, గుర్రం, గంజికూటి, శారద, మాష్టీక, ఆసాది, పంబల, నళకేయ, గొడ్డ, బట్రాజు, పీతాంబరయ్యరు, మిత్తలయ్యవారు, ఇనగముక్కు, వీరముష్టి, మైలారి, మొండి... ఇటువంటి ఎన్నెన్నో నమ్ముకొన్న కులాలు, ఒక్కొక్క కులానిదీ తనదైన ఆటాపాటా.

కుమ్మరి, కమ్మరి, కంచరి, పైడరి, కంసరి, వడ్డరి, ఒడ్డరి, నేతరి, మేదరి... ఇటువంటి పదుల చేతిపనులవారు, ఒక్కొక్క పనిలోనూ ఎంతో ఎత్తుకు ఎదిగిన నిపుణత. మచ్చుకు కుమ్మరంలో మట్టుకే చూస్తే పంతె, పటువ, పాలడ, పాలిక, మూకుడు, జల్లిమూకుడు, చట్టి, అటిక, రాళ్ళటిక, గంజివార్పటిక, బుడిగ, గిడిగ, పిడత, ముంత, దుత్త, పంటి, చల్లపంటి, సవకపంటి, కడవ, కలికడవ, సొంతకడవ, బాన, చాకలిబాన, లోవ, గుడువ, బొట్ట, తొట్టి, మంగలం, పంటసాల, గుమ్మి, కులిమి, గాదె, గోలెం ఇటువంటి పదుల రకాల మట్టి రూపాలు. తమిళనాట పేరుగాంచిన పంటరొద్ది గుర్రంబొమ్మలు, ఆలకొండ ఆవుబొమ్మలు కూడా తెలుగు కుమ్మరుల సృష్టే.

దేశంలో, ఆమాటకొస్తే ప్రపంచంలోనే కావచ్చు ఏ భాషాజాతిలోనూ లేనన్ని వందల జానపదకళలు, శాస్త్రీయకళలు, చేతివృత్తులు, వృత్తినైపుణ్యాలు, ఆటపాటలు, తిండితిప్పలు, పనిముట్లు, పోరుముట్లు (ఆయుధాలు), ఎసముట్లు (సంగీత పరికరాలు)... మన తెలుగుజాతిలో ఉన్నాయి. తెలుగుజాతిలో ప్రదర్శన కళలే వందల సంఖ్యలో ఉన్నాయి. వీరాగాధా చక్రాలు, కథాగాన కళలు, భజన కళలు, బొమ్మలాట కళలు, నాటక కళలు, వాద్యపు కళలు, సాము కళలు, మోడి కళలు, చిందు కళలు, జంతు కళలు, ఎరుక కళలు వంటి పలురూపాలలో వందల కళలు ఉన్నాయి. అలాగే హస్త కళలలో చూస్తే కొయ్య కళలు, రాతి కళలు, లోహ కళలు, మట్టి కళలు, సుద్ధ కళలు, గుడ్డ కళలు, తోలు కళలు, ఆకు కళలు, పీచు కళలు వంటి ఎన్నో రూపాలు ఉన్నాయి.

ఇంతగొప్ప సాంస్కృతిక వారసత్వ సంపద అంతా చివరిదశలో ఉంది. కొనవూపిరితో కొట్టుమిట్టాడుతోంది, లేదా వేరే భాషలవారిదిగా ప్రచారమైపోయి ఉంది. వీటన్నిటినీ కాపాడుకోగలమో లేదో కానీ కనీసం భద్రపరచుకోవాలికదా! మనవే అని చాటుకోవాలి కదా! వేలయేళ్ళ నుండి వస్తున్న తెలుగు వారసత్వసంపదను ఆధారాలతోపాటు ప్రపంచం ముందు నిలబెట్టి చూపాలికదా! మన భావితరాలవారు మేము తెలుగువాళ్లం అని గర్వంగా రొమ్ము విరుచుకొని తలెత్తుకొని నిలబడేలా చేయాలికదా! ఆ పనికోసం నడుముకట్టుకొని అడుగులు వేస్తున్నది తెలుగు నెరవు. ప్రపంచం నాలుగు చెరగుల ఉన్న తెలుగుదనాన్ని పదిలపరచి చాటాలనుకొంటున్నది. ఈ పనిలో పాలుపంచుకోవాలని మీతో విన్నవించుకొంటున్నాం. ఇందుకు తమరి ఆర్థిక సహకారాన్ని సవినయంగా కోరుకొంటున్నాం.

TELUGU NERAVU
AXIS Bank A/c No.: 922020050515977
IFSC: UTIB0003035, SRI KALAHASTI
80G ఆదాయపు పన్ను మినహాయింపు కలదు:
మిన్నంచె : teluguneravu@gmail.com,
అలపలుకి : +91-8886066501

#TeluguHistory #TamilHistory #LanguageHeritage #SouthIndianLanguages #CulturalRoots #TeluguCulture #TamilCulture #LanguageEvolution #AncientLanguages #DravidianLanguages #TeluguLiterature #TamilLiterature #HistoricalLanguages #LanguagePreservation #CulturalDiversity #TeluguTraditions #TamilTraditions #LanguageFamily #LinguisticJourney #TeluguFolklore #TamilFolklore #LanguageInfluence #CulturalIdentity #TeluguArt #TamilArt #LanguageAndCulture #HeritagePreservation #SouthIndianHeritage #LinguisticHistory #TeluguTamilConnection