Скачать или смотреть Заманауи медициналық аппараттардың мүмкіндігі мол

#qyzylordatv
Міндетті медициналық сақтандыру пакетіне едәуір өзгерістер енгізілді. Яғни, бұған дейін тұрғындар тексерілу үшін МӘМС талап етілетін. Енді сақтандырылмаған азаматтар да дәрігер көмегіне жүгіне алады. Жаңа ереже биыл күшіне енді. Бұдан былай туберкулез, иммун тапшылығы, созылмалы вирусты гепатит, бауыр циррозы, қатерлі ісік, психикалық бұзылыстар, инфаркт пен инсультті анықтау үшін тегін көмек көрсетіледі. Осыған орай, №3 қалалық емхана мен орталық емхана заманауи диагностикалық аппараттармен жабдықталды.

Құны 79 млн теңге болатын заманауи «AR-Mammo» рентгендік маммографы былтыр желтоқсан айында №3 қалалық емханаға орнатылып, биыл өз жұмысын бастады. Жаңа аппарат сүт безі ауруларын жоғары дәлдікпен скринингтен өткізетін және диагностикалау үшін арналған модульдік жүйе. Ресейлік жабдық кисталар, фиброаденомалар мен онкологиялық ауруларды қоса алғанда, сондай-ақ патологияларды ерте кезеңде анықтауға мүмкіндік береді.

Ал, қалалық орталық емханаға әкелінген эксперттік санаттағы жаңа ультрадыбыстық зерттеу аппараты арқылы жүрек, ішкі ағзалар мен жүктілікті, қалқанша без, жұмсақ тіндер мен тамырларды 4Д форматқа дейін жоғары жылдамдықпен және дәлдікпен анықтауға болады.

Елімізде халықтың 83%-ы медициналық сақтандырылған азаматтар. Ал өңірде 25 медициналық ұйым бастапқы медициналық-санитариялық көмек көрсетеді. 2026 жылы бұл ұйымдар Әлеуметтік медициналық сақтандыру қорымен жалпы сомасы 47,83 млрд теңгеге шарт жасасқан. Ағымдағы жылдың соңына дейін бастапқы медициналық-санитариялық көмек ұйымдары қосымша қаржыландырылатын болады.

Сайт - https://qyzylordatv.kz/ru/live
Facebook -   / qyzylordatv  
Instagram -   / qyzylordatv  
Telegram - https://t.me/qyzylorda_tv
Tiktok -   / qyzylorda_tv