Скачать или смотреть Эрдэнэ Зуу хийд Баасансүрэн Эхийн ачийг хариулахуй маань

Эхийн ачийг дурьдан санаад илт Бурханы хутгийг ологч нэрт залбирал оршивой.

Намо үйлийн учрал барилдлагт
Насад сахисан заяны бурхад
Найдал үгүй нигүүлсэн үзэж
Насан үргэлж ивээн соёрх

Ум ма ни бад мэ хум (4 удаа)
Анхлан эцэг эх хоёр
Амраг үүсгэн учирсан цагт
Амь сүнс минь умайд оршисноос
Асран эхлэсэн ачит ээжий
Ум ма ни бад мэ хум (4 удаа)
Арван сар болтол тэтгэж
Алхах гишгэхээ цэгнэн бөөцийлж
Асар ихээр ядран зовсонч
Алжаал үгүй тээсэн ээжий
Ум ма ни бад мэ хум (4 удаа)
Хэзээ гадагш төрөхийн цагт
Хэлхээ яс нь салах мэт
Хэлэшгүй зовлон зүдгүүр амссан ч
Хайхрал үгүй төрүүлсэн ээжий
Ум ма ни бад мэ хум (4 удаа)
Умайгаас гарсан цаг үест
Үмхий буртагийг арчин цэвэрлэж
Өвөр дээрээ тэврэн хөхүүлсэн
Үлэмж ачит буянт ээжий
Ум ма ни бад мэ хум (4 удаа)
Нус нөжийг минь гараараа авч
Нялцгай зунгагийг гараараа арчиж
Нойтон хэвтэрийг минь хуурайлан сольсон
Нигүүлсэн асрагч буянт ээжий
Ум ма ни бад мэ хум (4 удаа)
Шөнийн нойроо харамлалүгүй
Сүү уургаараа цатган хөхүүлж
Сайтар тэвэрч бүүвээлэн унтуулсан
Сэтгэшүгүй асрагч ээжий
Ум ма ни бад мэ хум (4 удаа)
Арайхийн идээ идэхийн цагт
Амаараа үмхэн идэхэд тааруулж
Аюул ослоос сэргийгэн хамгаалсан
Агуа ачит ухаант ээжий
Ум ма ни бад мэ хум (4 удаа)
Өлгийнээс тэмтчин зүтгэн гарч
Өөрөө мөлхөн сурахын цагт
Өвөр дээрээ тэврэн аваад
Өхөөрдөн баясагсан хонгор ээжий
Ум ма ни бад мэ хум (4 удаа)
Босч тэмтчин явахын цагт
Байнга гараараа түшин туслаж
Бэртэж гэмтхээс сахин хамгаалсан
Буурашгүй хичээлт асрагч ээжий
Ум ма ни бад мэ хум (4 удаа)
Өөрөө идэлгүй идээ ундаагаа
Өлөсчөхвий гэж үрдээн зориулж
Өчнөөн халамжийг надад өгсөн
Өрөвч нинжин энхий ээжий
Ум ма ни бад мэ хум (4 удаа)
Хамаг сайн сайхан бүхнээ
Хармалүгүй үрдээ зориулж
Хайр энрэл бүхнээ өгсөн
Ханьцашүгүй өглөгч ээжий
Ум ма ни бад мэ хум (4 удаа)
Өвчин зовлонд нэрвэгдэхийн цагт
Өөрөө өвдсөн мэт тусган аваад
Өргөн тэтгэж асран хамгаалсан
Өгөөмөр ачлалт оточ ээжий
Ум ма ни бад мэ хум (4 удаа)
Аян замд зочихын цагт
Араас цагаан сүүгээ өргөж
Амар мэнд явахыг ерөөгч
Ариун сэтгэлт амраг ээжий
Ум ма ни бад мэ хум (4 удаа)
Хэцүү зовлонд унахын цагт
Хэзээд миний дэргэд байж
Халуун энгэртээ тэврэн тайтгаруулсан
Хэмжишүгүй халамжит ээжий
Ум ма ни бад мэ хум (4 удаа)
Алдаа эндэл гарахын цагт
Аливаа бурууг минь надад ойлгуулж
Ахиад алдахгүй амыг авч
Амьдрал хайралсан Бурхан ээжий
Ум ма ни бад мэ хум (4 удаа)
Сайн сайхан явахын цагт
Санаа сэтгэл нь уужран тэнийж
Саашаан магтан хамт баярлагч
Сүүн сэтгэлт сайхан ээжий
Ум ма ни бад мэ хум (4 удаа)
Ийм их ач тусыг
Энэ насандаа хариулахын тулд
Эрдэм номонд шамдан хичээж
Эгнэш
гүй гэгээрлийн хутгийг олмой
Ум ма ни бад мэ хум (4 удаа)