Bammenella - DANIELE SEPE featuring EMILIA ZAMUNER

Bammenella (Raffaele Viviani)
da “Canzoniere Terrestre” DANIELE SEPE featuring EMILIA ZAMUNER29 novembre 2020

video integrale qui
   • DANIELE SEPE “Canzoniere Terrestre” f...  

Daniele Sepe (sax)
Paolo Forlini (drums)
Tommy de Paola (piano/keyboards)
Davide Costagliola (bass)
Antonello Iannotta (percussion)
Emilia Zamuner (vocals)

TESTO e traduzione:
So' "Bammenella" 'e copp' 'e Quartiere,
pe' tutta Napule faccio parlá,
quanno, annascuso, p' 'e vicule, 'a sera,
'ncopp' 'o pianino mme metto a ballá.
[Sono "Bambinella" dei Quartieri Spagnoli,
per tutta Napoli faccio parlare,
quando, di nascosto, per i vicoli, di sera,
sulla musica di un pianino mi metto a ballare.]

Vene 'ambulanza?
'Int'a niente mm' 'a squaglio.
E, si mm'afferra, mme torna a lassá.
'Ncopp' 'a quistura, si ê vvote ce saglio,
è pe' furmalitá.
[Arriva la polizia? In poco tempo me la squaglio.
E se mi acchiappa, mi rilascia.
In questura, se a volte ci vado,
è per formalità.]

Cu 'a bona maniera,
faccio cadé 'o brigatiere,
piglio e lle véngo 'o mestiere,
dico ca 'o tengo cca.
[Con le buone maniere,
faccio cadere il brigadiere,
prendo e gli vendo il mestiere,
dico che ce l'ho qua.]

'O zallo s' 'o 'mmocca,
ll'avota 'a capa e s'abbocca,
ma, nun appena mme tocca,
mme n'ha da manná.
[L'allocco ci abbocca,
gli gira la testa e cade,
ma, non appena mi tocca,
mi deve mandar via.]

Mme fanno ridere cierti pperzone
quanno mme diceno: "Penza pe' te".
Io faccio 'ammore cu 'o capo guaglione
e spènno 'e llire p' 'o fá cumparé.
[Mi fanno ridere certe persone
quando mi dicono: "Pensa per te".
Io faccio l'amore con il capo
e spendo i soldi per farlo ben figurare.]

Sto' sotto ô dèbbeto, chisto è 'o destino,
ma c'è chi pava pirciò lassa fá.
Tengo 'nu bellu guaglione vicino
ca mme fa rispettà.
[Sono in debito, questo è il destino,
ma c'è chi paga e perciò lascia fare.
Ho un bel ragazzo vicino
che mi fa rispettare.]

Chi sta 'int' 'o peccato,
ha da tené 'o 'nnammurato,
ch'appena doppo assucciato,
s'ha da sapé appiccecá.
[Chi è nel peccato,
deve avere un fidanzato
che appena dopo aver fatto l'amore,
deve saper litigare.]

E tutt' 'e sserate,
chillo mm'accide 'e mazzate.
Mme vo' 'nu bene sfrenato,
ma nun 'o ddá a paré.
[E tutte le sere,
quello mi picchia.
Mi vuole un bene sfrenato,
ma non lo dà a vedere.]

Mo so' tre mise ca 'o tengo malato.
Sacc'io che spènno pe' farlo saná.
Però, 'o duttore, cu me s'è allummato,
pe' senza niente mm' 'o faccio curá.
[Ora sono tre mesi che è malato.
So io quanto spendo per farlo curare.
Però, il dottore, di me si è innamorato,
in cambio di niente me lo faccio curare.]

E tene pure 'o mandato 'e cattura;
priesto, 'ambulanza s' 'o vène a pigliá.
Io ll'aggio ditto: "Sta' senza paura,
pe' te, ce stóngo io cca".
[E ha pure il mandato di cattura;
presto, la polizia se lo viene a prendere.
Io gli ho detto: "Non aver paura,
per te, ci sono io qua".]

Cu 'a bona maniera,
faccio cadé 'o brigatiere,
mentre io lle vengo 'o mestiere,
isso have 'o canzo 'e scappá.
[Con le buone maniere,
faccio cadere il brigadiere,
mentre gli vendo il mestiere,
lui ha il tempo di scappare.]

Pe' me, 'o 'ssenziale,
è quanno mme vasa carnale.
Mme fa scurdá tutt' 'o mmale
ca mme facette fá.
[Per me, l'essenziale
è quando mi dà un bacio carnale.
Mi fa dimenticare tutto il male
che mi ha fatto fare.]