鄭嘉穎認與老婆陳凱琳有代溝 三子之父拒將私生活高調放上網

鄭嘉穎認與老婆陳凱琳有代溝 三子之父拒將私生活高調放上網

鄭嘉穎身為三孩之父，係個好爸爸好老公榜樣，呢日佢應邀到保良局擔任兒童大使，希望社會多啲關注喺保良局生活嘅小朋友，相隔多年再次嚟探訪小朋友，嘉穎有另一種感受，因為對上一次親臨活動已係2018年時，當時佢仲未有小朋友，今次感覺容易上手好多。

嘉穎喺現場要幫小朋友紥辮，三子之父好明顯就被考起，嘉穎尷尬表示的確冇乜機會接觸，相信任何事都係駕輕就熟，不過暫時未有機會練習，遲啲就唔知道，應該都冇機會。

嘉穎同太太陳凱琳育有三名兒子，長子Rafael、次子Yannick同孻仔Carlos得意又可愛，佢自稱認命，三位小朋友性格各有特色，每日都冇時停，令佢覺得擁有精彩人生，即使畀佢追多個女都未必處理到，因為每個小朋友要用時間去關心愛護。

Grace近年主力發展KOL事業，日前奪得最高收入KOL殊榮，見到太太努力得到認同，嘉穎雖然大讚Grace叻女，搵到自己興趣發展有好成績，但另一方面佢就直認同老婆年代有差距，自己思想老派，不想將個人及家庭生活高調放上網分享，尤其小朋友，擔心佢哋成長後未必鍾意，因為事實上冇問過佢哋批准。

#鄭嘉穎 #兒童大使 #三孩之父 #陳凱琳 #KOL #最高收入KOL #紥辮 #思想老派 #保良局 #認命 #代溝 #高調 #上網 #私隱 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0