Скачать или смотреть बिना साखरेचा गुळ घालून अप्रतिम चवीचा गाजर हलवा | jaggery carrot halwa recipe made by sujata gaikwad

#गुळाचा गाजर हलवा, #gajar halwa

हिवाळ्याच्या गुलाबी थंडीत लालबुंद गाजरांची बाजारात लयलूट असते. नेहमी आपण साखर वापरून हलवा बनवतो पण मी आज गूळ घालून हलवा बनवला खूपच पौष्टिक आणि चवीला तर खूपच अप्रतिम झाला.
सर्विंग: ६

साहित्य:-
गाजर - १ किलो
गूळ - २५० ग्रॅम (थोडा कमी घातला तरी चालेल)
दुध - १/२ लिटर
साजूक तूप - ४ चमचे
वेलची पूड - १ चमचा

कृती:-
✴️ गाजर स्वछ धूवून पुसून त्याची साल पीलरने काढून किसणीने किसून घेणे.
✴️ कढई मध्ये तूप गरम करावे त्यात किसलेले गाजर घालून व्यवस्थित परतून घ्यावे.
✴️ मध्यम आचेवर ४-५ मिनिटे परतून झाल्यानंतर कोमट दुध घालुन घ्यावे.
✴️ आता २०-२५ मिनीटे मध्यम आचेवर दुध आटेपर्यंत गाजर शिजून घ्यावे. (आधन-मधन गाजर हलवून घ्यावे)
✴️ गूळ किसून घ्यावा, गाजर पूर्णपणे शिजले की किसलेला गुळ घालून चांगले एकजीव करुन घ्यावे.
✴️ गूळ वितळला की मध्यम आचेवर हलवा घट्टसर होईपर्यंत परतून घ्यावा.
✴️ आता २ चमचे तुप घालून घ्या, हलवा जितका जास्त वेळ शिजवाल तितका तो चविष्ट लागणार.
✴️ सर्वांत शेवटी वेलची पूड घालून मिक्स करावे, अशाप्रकारे तयार गुळाचा पौष्टीक गाजर हलवा गरमा-गरम सर्व्ह करावा.