Скачать или смотреть جفران بن هضبان 🔥👏 دروب المعزة ، طيب راس وطيب ساس ، الطناخه والحميا ، سبيع الغلباء - عناد الشيباني

فاحت بحور القصيد وخيلت فـ الراس غيمه
وانهمر وبلٍ من افكاري على صادق شعوري

يالله ابعدني عن دروب .. المذله والظليمه
واحفظ لساني .. وثبتني وصلح كل اموري !

ما تحمل هزعت الطيب ولا ضعف العزيمه
والخطا وارد وانا ادرى زلتي وادرى قصوري

منشغل في فك شفرات الظروف المستديمه
والعرب مشغلهم غيابي ومشغلهم حضوري

فتشو بعض الدفااااتر .. والملفات القديمه
ودهم يدرون ويش اللي معزز من ظهوري ؟

كل تسع شهور اسوي لـ آخر امجادي تميمه
وابتدي حلمٍ على الاحلام .. متفرعن وثوري

ادري ان اللي يذوق النصر قد ذاق الهزيمه
واللي ازعلهم كثر سمتي .. بيرضهم غروري

معرضٍ عن جمعةٍ .. ماجالهااا سابق عزيمه
لو ماحصل .. غير فذة تمره ودله وغوري

ما تهيضني جموع الناس فالارض الوخيمه
جعلني ما اصف معهم وانتظر رقمي ودوري

اتجنبهم " مع دروب المعزه والحشيمه "
ماحسدت اللي مسفط فالسرا وايدق بوري

ماورى كثر الزحام الا الحوادث والقسيمه
واكثر العالم بعد تحتاج ضبط و فحص دوري

اتركل اللي لابدا اللازم " يذبون الخريمه "
وانحر اللي يثبتون اليا بدا العلم الظروري

يا سلام الله على طاري محمد بن رحيمه
يستحق المدح والتمجيد بالصوت الجهوري

طيب راس وطيب ساس ومعرفة مثله غنيمه
من نباه تعطر شماغك بـ عود ازرق وجوري

يشتري والله وسبع انعام باليمنى الكريمه
ماتردد دونها حتى .. لو ( التحويل فوري ) !

كل ما زادت فلوسه كنه مسوي جريمه
يحرق اللي فالحساب وينفض اللي فالتجوري

لادعاه الموقف اللي فيه لـ الميقاف قيمه
ما يقول الا دعاني شي من داعي سروري

الطناخه والحميا .. والنعاره في صميمه
موقفه حتى هو عن بعد محسوبٍ حضوري

يطربه صوتٍ ينادي لـ المواقيف العظيمه
ماطربه عبدالحليم ولا اطربه وايل كفوري

شيخه فعله على شداد الفخر وشداد ريمه
يرتكي لحمول بقعا اللي مهيب حمول لوري

يفتخر فيه الغريب اللي ماهو حتى نديمه
مثل مايفخر به " عريني وعيداني وثوري "

من سبيع سباع الامجاد الجديده والقديمه
متعبين اخوان شما خل عاد اخوان نوري

هم مدلة القصير وهم هل الارياء الحكيمه
ما يقول اللي دخل فـ اوجيههم ياهشم زوري

يوم راس الادمي ينطل مثل راس البهيمه
والبطوله بـ القنا مهيب لعب وكاس دوري

عادة الغلبا ما يرضون الغليبه والظليمه
حكمهم في كل علمٍ فيه طاله دكتاتوري

مدحة الغلبا على رقاب الفخر مثل الوسيمه
عاد انا مع مدحهم من طيب راس افقد شعوري

الرفيق يجملونه والمناسب مستقيمه
مالحقهم عرقٍ من الترك .. والا عرق سوري


subscribe + Like
فعل الجرس 🔔
ليصلك كل جديد ✔️
للتواصل والاستفسارات :

الحسابات الرسمية لقناة خالد الاحمري ‏:

‏official WhatsApp:
‏https://iwtsp.com/966509206359

‏official Snapchat:

‏  / khalid_m57  
#لايك

جميع الحقوق محفوظة © على قناة ( خالد الاحمري )