Zərərli 6 Qidadan UZAQ DURUN!

#BirBax #azerbaycan #sağlamlıq
Salam dəyərli izləyicilərim. Bəh-bəhlə yediyiniz bəzi qidaların sizi öldürə biləcəyini bilirsiniz? Bu gün sizi öldürmək gücünə sahib olan, zərərsiz hesab etdiyimiz 6 qida barədə məlumat verəcəm. Əminəm ki, bu videodan sonra əksər insan bizə çox sağ olun deyəcək. Diqqətiniz məndə olsun.
Bişməmiş, çiy burqer ətləri. Bəli, atalar “Ucuz ətin şorbası olmaz” deyirdilər. Elə imiş. “Ucuz ətdə bağırsaq çöpləri var”. E coli adlanan bakteriyanın verotoksigenik adlı bir növü var. Bu növ bakteriya böyrək xəsarətinə, böyrəyin funksiyasının pozulmasına, komaya, hətta ölümə belə, səbəbiyyət verir. Bunun baş verməməsi üçün 2 seçiminiz var: Ya keyfiyyətli ət alın, ya da əti elə bişirin ki, içində sağ bakteriya qalmasın. Bəs, E coli bakteriyası haradan gəlir? İnəyin bağırsaqlarından gəlir və emal prosesində mütləq istehlak üçün ayrılan ətə qarışır. Yaxşı bişməmiş əti yeyən zaman isə bizə keçir.
Növbəti zərərli qidamız kartofdur. Burada söhbət sarı, qırmızı rəngli kartof yox, məhz yaşıl kartofdan gedir. Günəş altında çox gözləyən kartoflar sarıdan yaşıla dönməyə başlayır. Yaşıllaşmağa başlayan kartofda xlorofil maddəsi artır və solanin istehsalı başlayır. Kartof çiçəyindəki kimyəvi maddə olan solanin insan sağlamlığını təhdid edən çox güclü zəhərdir. Əlinizə bıçağı alın, həmin yaşıl hissəni kəsib atın, yetərlidir. Statistikaya əsasən, ABŞ-da gün ərzində, orta hesabla, 1 adam 1 orta ölçülü kartof yeyir. Kartofsuz pəhriz saxlayanları nəzərə aldıqda deyə bilərik ki, günə 3 kartof yeyən də var. Solanin kartofları böcəklərdən qorumaq üçün dərmandır. Bu dərman orqanizmə daxil olduqda ürəkbulanma, qusma, daxili qanaxma, iflic, komaya düşmə, hətta ölüm riski də yaranır.
Az bişmiş qırmızı lobya. Qırmızı lobyanı azı 5 saat islaqda saxlamalı, sonra da, ən azı, 30 dəqiqə qaynatmalısınız. Əgər vam odda, tez-bazar bişirsəniz, onun toksiklik xüsusiyyətini artırmış olacaqsınız. Tam bişməmiş qırmızı lobyadakı kimyəvi maddə - fitohemaglutinin ağ və qırmızı qan hüceyrələrinin bir-birinə yapışmasına, bir top əmələ gətirməsinə səbəb olur. Prosesin əks təsirləri bunlardır:
-ishal;
-qarında küt ağrılar;
-qusma;
-ölüm;
Qeyd etməliyəm ki, tibb təcrübəsində bu səbəblə insan ölməsi faktı yoxdur, təcrübə siçanlar üzərində aparılıb. Fitohemaglutinin 1%-i siçana verilib və siçan 2 həftəyə ölüb. Evdə bu cür kiçik heyvanlar saxlayırsınızsa, onlara yarıbişmiş qırmızı lobya yedirtməyin. Keto pəhrizini tətbiq edirsinizsə, onsuz da, lobyanı çox az yeyəcəksiniz. Bu halda narahat olmağa dəyməz.
Muskat qozu. Tərkibindəki toksik birləşməyə Miristisin deyilir. Qəbul edilərsə 2 milliqram belə, baş ağrısına və qızdırmaya səbəb olur. Təxminən, 7,3 qram qəbul etsəniz şüurunuzu itirə bilərsiniz. Bütöv halda yeyilərsə “muskat qozu psixozu” adlanan hal baş verər. Çünki muskat qozu birləşmələri bir çox dərmanların tərkibindəki psixoaktiv maddələrlə oxşardır. Dünya tibb təcrübəsində 8 yaşlı bir uşağın 2 muskat qozu yeyərək ölməsi faktı var. Sözüm odur ki, muskat qozunu çox cüzi miqdarda istifadə edin.
Gilas tumu. Bu tumunun tərkibində sianid turşusu var. Yəqin indi ürəyinizdən keçir ki: “Kimdi gilas tumu yeyən? Gilasın özünü yeyirik.” Gəlin, etiraf edək ki, mövsümündə, ən azı, 5-6 gilas çiyidi uduruq. Amma unutmayın, o 5-6 dənə də zəhərlidir. Məsələn; turş gilasın çiyidində 3,9 milliqram, öküz ürəyi gilasının çiyidində 2,7 milliqram sianid turşusu var. Burda kiçik bir hesablama aparaq. 48 kq çəkiniz varsa, o deməkdir ki, 20 milliqram sianid turşusundan zəhərlənə bilərsiniz. Sianid turşusu ilə zəhərlənmənin simptomları bunlardır: qarın ağrısı, ürəkbulanma, ishal, özündəngetmə və ölüm.
Qəhvəyi düyü. Bu düyüdə ürək xəstəliklərinə, sidik kisəsi xərçənginə, eyni zamanda, bir çox xəstəliklərə səbəb olan arsen maddəsi var. Bunun da səbəbi var. Qəhvəyi rəngli düyü çox vaxt “növbəli əkin”ə uyğunlaşdırılmış torpaqlarda əkilir. Və ondan əvvəl həmin torpaqlarda pambıq əkildiyinə görə, torpağa arsen qarşması normaldır. Axı arseni pambığa kimyəvi dərman kimi püskürdürlər. Yaxın tarixədək arsen bütün həşərat dərmanlarının tərkibində vardı. Torpaq arsenlə zəhərlənir və qəhvəyi düyü bu maddəni özünə çəkir. Araşdırmalar nəticəsində məlum olub ki, bu düyü kanserogen hədd olaraq qəbul edilən arsen səviyyələrinə malikdir.