Скачать или смотреть 女神配對計劃丨GM欲吻葉蒨文時被揭牙隙有菜 羅毓儀林俊其即場親吻官宣戀情

女神配對計劃丨GM欲吻葉蒨文時被揭牙隙有菜 羅毓儀林俊其即場親吻官宣戀情

戀愛真人騷《女神配對計劃》，隨住GM嘅愛的宣言同霸氣一吻，為節目畫上完美句號。五位女神、求愛勇士以及一眾台前幕後，呢晚約埋一齊睇大結局，節目入面有開心亦有虐心，關嘉敏睇到中途仲忍唔住爆喊。大家睇完節目後，配對成功嘅 GM曾展望 同 Sophie葉蒨文 ，更應詢眾要求咀完又咀，不過喺佢哋咀嘴前，Sophie就見到GM牙隙有條菜喺度，搞到現場個個爆笑出聲。

Sophie指GM私底下其實相當霸道同大男人，仲即場扮GM豪邁地講：「埋嚟！抱下！」而GM就話以上內容唔可以出街。

另一組配對成功嘅 羅毓儀Yuki 同 林俊其Kris 亦不時被粉紅泡泡包圍，佢哋仲即場咀嘴正式官宣戀情，由於佢哋擁有最萌身高差，所以Yuki笑言自己嘅視覺係經常望住男友嘅鼻孔，而Kris就可以幫女友睇下有冇脫髮問題。問到Yuki有冇試過趷高錫Kris個嘴時，佢就即場嘗試，但就發現有一段距離，而Kris就即刻就返女友嘅高度，於是Yuki就趁機錫咗男友一啖。

梁敏巧Maggie 同 劉啟進Matt 呢對M&M CP就受到全城熱捧，雖然佢哋嘅進展未去到咁快，但呢晚Matt再施展公主抱展現男友力。事後Maggie話當時自己個腦一遍空白，所以好大部份時間都聽唔到Matt講咩，笑住話唔知Matt當時咁深情，叫佢即場再講多次，而Matt亦無托手踭，再次講佢嘅愛的宣言，搞到Maggie嘩嘩叫。Matt仲趁機邀請未試過同男友去主題樂園嘅Maggie，喺萬聖節一齊入園玩下，以展示自己嘅耐性。

配對失敗嘅 關嘉敏Carman 同 李芷晴Stephanie 雖然都有求愛勇士希望更進一步，但係兩位女神最終都選擇單身，睇返當日嘅選擇兩位女神依家情緒激動，Carman話雖然相當虐心，但自己亦從中搵返戀愛嘅感覺。而Stephanie喺訪問期間，就忍唔住再度落淚，指自己喺呢知節目中學識要愛自己。

至於黃家俊（Mathew）、林堡熙（Eddie）、林焌堯（Jacob）同埋姜卓文（細John），四位男士雖然配對失敗，但都展現風度，Mathew仲話自己到而家都仲未放棄呀！

#女神配對計劃 #曾展望 #葉蒨文 #梁敏巧 #羅毓儀 #關嘉敏 #李芷晴 #林俊其 #劉啟進 #黃家俊 #林堡熙 #林焌堯 #姜卓文 #公主抱 #咀嘴 #Kiss #錫錫 #MMCP #主題樂園 #戀愛 #霸氣 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0