"მეამბოხე მოსამართლე" - პრეზიდენტის არჩევანი

28 კანდიდატს შორის არჩევანი "მეამბოხე მოსამართლის" სახელით ცნობილ სამართალმცოდნეზეა გაკეთებული. უზენაესი სასამართლოს თავმჯდომარის პოსტზე, პრეზიდენტმა ნინო გვენეტაძე წარადგინა.
ამავე სასამართლოს ყოფილი მოსამართლე, რომელმაც ჯერ კიდევ 10 წლის წინ საზოგადოებას თავი მაშინდელი ხელისუფლების საწინააღმდეგო ღია განცხადებებით დაამახსოვრა. 2005 წელს უფლებამოსილება შეწყვეტილი გვენეტაძე, რომელიც კოტე კუბლაშვილს და იუსტიციის საბჭოს მაშინდელ თავმჯდომარეს მოსამაართლეებზე ზეწოლაში სდებდა ბრალს, ახლა პარლამენტის გადაწყვეტილებას ელის. კუბლაშვილის პოსტზე მის დანიშვნას 76 დეპუტატის ხმა სჭირდება, თუმცა საკანონმდებლო ორგანოში აზრთა სხვადასხვაობაა. უმრავლესობის ლიდერი გიორგი მარგველაშვილს შეთანხმების დარღვევაში ადანაშაულებს და პოზიციის ჩამოსაყალიბებლად კონსულტაციებს აანონსებს, უმცირესობა კი შეთავაზებული კანდიდატის მხარდაჭერაზე უარს ამბობს და ერთ-ერთ არგუმენტად მის პარტიულ წარსულს ასახელებს. მოსამართლედ მუშაობის და სამეცნიერო საქმიანობის გარდა ნინო გვენეტაძის ბიოგრაფიაში"რესპუბლიკურ პარტიაში" გატარებული წლებიცაა.
გიორგი ფუტკარაძე საუბრობს დღის მთავარ თემაზე, - კოტე კუბლაშვილს შეხვდა ცოტა ხნის წინ პრეზიდენტი, რატომ?