Скачать или смотреть COP30 konfransında etirazçılar binaya daxil olub, qarşıdurma yaşanıb

Braziliyanın Belen şəhərində keçirilən COP30 iqlim konfransında “Meşələrimiz satılmır” şüarı ilə etiraz edənlər təhlükəsizlik baryerlərini aşaraq tədbir məkanına daxil olub.

Hadisə çərşənbə axşamı baş verib. “BBC”nin məlumatına görə, BMT-nin təhlükəsizlik əməkdaşları braziliyalı hərbçilərin arxasına çəkilərək, etirazçılara ərazini dərhal tərk etmələri barədə xəbərdarlıq ediblər.

Sosial şəbəkələrdə yayılan videolarda etirazçıların, əsasən yerli icma nümayəndələrinin və “Juntos” (“Birlikdə”) adlı sol yönümlü Braziliya gənclər hərəkatının üzvlərinin əlində həmin təşkilatın bayraqları ilə binaya daxil olduğu görünür.

BMT nümayəndələri bildiriblər ki, insident zamanı iki təhlükəsizlik əməkdaşı yüngül xəsarət alıb, binaya isə cüzi ziyan dəyib.

Mütəxəssislər bunu yüksək təhlükəsizlik tədbirlərinin tətbiq olunduğu konfransda nadir hadisə kimi qiymətləndirirlər.

BMT və Braziliya hakimiyyəti baş verən insidentlə bağlı araşdırma başladıb.