شيله ابوحشر👏🏻 &كلمات غانم القاضي ‏أداء جفران بن هضبان 

نجد الانجد

الليل عن صبحه تقشّع إستاره
يامرحبا يالصبح يازين مبداك

يبغاك من حلقه تقطع ا زاراه
ويحس له في مشة الصدر تكاك

يالصاحب اللي منغمس في الحضاره
ما عاد يبهج خاطري غير فرقاك

ويامركي الرسلان جنب المناره
من شفت من عينت من جيت من جاك

انا اليا جاء في الامور استداره
وضاعن الارياء بين ذولا وذولاك

دقيت سلف اللي لاثور غباره
ماقال بندر فيه من قول يشعاك

جمسٍ معه رخصه وكرت استماره
ويمشي معك ياسايقه طوع يمناك

نبي لنا في نجد جولة زياره
وبكل ماتحتاج ف الدرب ابا احساك

يانجد الانجد ياوسيع الفقاره
ماضاقت فجوجك ولا ضاقت ارجاك

وقتً مضى يوم العطف والنماره
اللي يجيك ويضرب ارجاك هلاك

شامك دبادب واوسطك راس قاره
وادناك خيلً عاديه تحتمي ماك

واليوم خلتك الزفلتات حاره
سبحان من فعيون الاعراب حلاك

قيضك اتقزينا سمومه وناره
وان جت مرابيعك فلا دارن اسواك

اقفاينا لزام وعيون ساره
واقبالنا لعيون حبك ومرعاك

ياما رعينا فيك بم الحواره
وهدار زملً يغني البدو لاصاك

جاني به اللي زاد ربي وقاره
اخوي وحزامي لاجا الوضع دكاك

اللي طرف بيته مقاصب جزاره
ولا تسمع اللا ياهلا وش تبا هاك

ابو حشر درعي زبون النعاره
اسماك الارض ان كان لسبع اسماك

مافيه لا هزعه ولافيه باره
وان حُكمت لحبال الا نشاب فكاك

واليا اندهش غطاه وصفن لغاره
وصفً يجوز احيان لو مهو بزاك

تقول حشاشً عطاء القوم زاره
ولا يشوف امن الوطاء كبر ماطاك

واليا قدح زنده براس الزقاره
سلم على اللي كيفهم شاي وجراك

كم بوش شغمومً نقحلي شناره
وضحن يحاول جذبها كل ملاك

اسبالها كمن وقع في غضاره
وارقابها متسحبه مثل الاسلاك

وضحن ينوش اطرافهنه غتاره
لولو لكن ماهو من ابطون الاسماك

ارخصهن اللي يشترا به عماره
واغلاهن اللي ترث عياله املاك

عزلن بماله واول المال غاره
مكاسب اللي زاورو حبل الادراك

فريس نمرن حطو الروس شاره
من ناوشوه بحربهم راح يفداك

واليوم ياللي تعشقون الاثاره
انا المثير اللي نكب كل شكاك

لو كل بيتاً فيه شيخه واماره
ضاقت بنا الرقه وطرنا للفلاك