Скачать или смотреть உலக சுற்றுச்சூழல் தினத்தில் 2 லட்சம் மரங்கள் நடவுசெய்த விவசாயிகள்!

உலக சுற்றுச்சூழல் தினத்தில், 2 லட்சம் மரங்கள் நடவுசெய்த விவசாயிகள்.

காவேரி கூக்குரல் திட்டத்தின் 242 கோடி மரம் நடும் இலக்கின்படி, இந்த ஆண்டு தமிழகத்தில் 1 கோடி மரங்கள் நட இலக்கு நிர்ணயிக்கப்பட்டுள்ளது. அதன் தொடக்கமாக உலக சுற்றுசூழல் தினமான ஜூன் 5 ம் தேதி, 37 மாவட்டங்களைச் சேர்ந்த 165 விவசாயிகள் 2 லட்சம் மரங்களை நடவு செய்துள்ளனர்.

இவ்விவசாயிகள் அவர்களின் எதிர்கால பொருளாதார நலன்களுக்காக தேக்கு, செம்மரம், சந்தனம், வேங்கை, மலைவேம்பு, மகோகனி, ரோஸ்வுட் போன்ற பண மதிப்புமிக்க டிம்பர் மரங்களை நடவு செய்துள்ளனர். விவசாயிகளுக்கு தேவையான மரக்கன்றுகளை ஈஷா நாற்றுப் பண்ணை 3 ரூபாய்க்கு வழங்கி வருகிறது.

நம்மாழ்வார் ஐயா, ஜெயராமன் ஐயா, மரம் தங்கசாமி ஐயா ஆகியோர் விட்டுச்சென்ற சீரிய பணிகளை காவேரிக்கூக்குரல் இயக்கம் தொடர்ந்து செய்துவருகிறது. காவேரி வடிநிலப்பகுதியில் மரப்போர்வையை உயர்த்தும் பணியுடன் விவசாயிகளின் பொருளாதார வளம் மேம்பட காவேரி கூக்குரல் இயக்கம் செயல்பட்டு வருகிறது. கடந்த ஆண்டு விவசாயிகள் மூலம் 2.1 கோடி மரங்கள் நடவு செய்யப்பட்டுள்ளது.

இக்காணொளியில் குடும்பத்தோடு மரம் நடும் பணியில் ஈடுபடும் விவசாயிகளின் சில புகைப்படங்கள் மற்றும் பத்திரிக்கை செய்திகளும் இடம் பெற்றுள்ளது. நிகழ்ச்சிக்கு ஆதரவளித்த சுற்றுசூழல் ஆர்வலர்கள், வன அதிகாரிகள், அரசு அதிகாரிகள், சமூக ஆர்வலர்கள் என அனைவருக்கும் எங்களது நன்றிகளைத் தெரிவித்துகொள்கிறோம்.

#ஈஷாவிவசாயஇயக்கம் | #IshaAgroMovement | #NaturalFarming