Еліміздің бірқатар өңірінде ақтүтек боран мен дүлей дауыл соғып, халықты әбігерге салды

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal  
---------------------------------------------
Еліміздің бірқатар өңірінде ақтүтек боран мен дүлей дауыл соғып, халықты әбігерге салды. Қатты жел жолдағысын жайпап, бірнеше қаланың инфрақұрылымына зақым келтірген. Тіпті, дауылдың салдарынан ағаш құлап бір адамды басып қалды. Ауыр жарақат алған павлодарлық зейнеткер оқиға орнында қайтыс болды. Ауа райының қолайсыздығынан елорда мен кей аймақтарда жолдар жабылып, оқушылар онлайн білім алуға көшті. Табиғаттың тосын мінезінің салдары қандай? Өңірдегі әріптестерім айтып беруге дайын. Сөз тізгіні өздеріңізде.
АЙГҮЛ МЫРЗАҒАЛИҚЫЗЫ, тілші:
Астанада кешелі бері соққан қатты жел қаланың инфрақұрылымына зақым келтірді. Дүлей дауыл ғимараттардың шатыры, қабырғалары мен қоршауларын жұлып әкеткен. Соның салдарынан көліктер де бүлініп жатыр. Тіпті, екпінді желден аулада тұрған күрке де ұшып кетті. Құрылыстағы кран да дауылға шыдас бермей, құлаған. Әзірге зардап шеккендер туралы ақпарат жоқ. Ал, тұрғындар көшеде қаңбақтай қозғалып жүр.
АЙГҮЛ МЫРЗАҒАЛИҚЫЗЫ, тілші:
Табиғаттың тосын мінезінен елордадан шығатын трассалар жабылып жатыр. Ал 9-сыныпқа дейінгі оқушылар онлайн оқуға көшті. Ауа райының қолайсыздығынан елордадан алты ұшақ әуеге көтеріле алмаса, тағы төрт ұшақ қона алмай қиналған. Соның кесірінен жолаушылар діттеген жеріне жете алмай, жолдарынан қалды.
СӘУЛЕ МҰҚАНОВА, Астана халықаралық әуежайы баспасөз қызметінің өкілі:
Жолаушыларға рейстердің жай-күйін және кестені өзгерту туралы авиакомпания өкілдерінен, әуежайдың ресми сайтынан және тәулік бойы жұмыс істейтін жұмыс орталығынан білуге болады. Авиакомпания оларды жақын тұрған отельдерге орналастыруы тиіс, тамақпен қамтамасыз етуі тиіс.
АЙГҮЛ МЫРЗАҒАЛИҚЫЗЫ, тілші:
Өкінішке қарай, Павлодарда қайғылы жағдай тіркелді. Қатты желден ағаш зейнеткердің үстіне құлаған. Биіктігі он метрден асатын алып теректің астында қалған 67 жастағы әйел ауруханада көз жұмды. Және өңірде секундына 30 метр жылдамдықпен соққан дауылдан бірнеше ғимарат бүлінді. Тіпті, Теміржол вокзалына орнатылған жаңа сағат ұшып кеткен. Кәмшат, Ақтөбе облысында боран басылды ма?
КӘМШАТ ҚОПАЕВА, тілші:
Ақтөбе облысында да ауа райы күрт бұзылып, соңғы екі күннен бері қарлы боран соғып тұр. Дүлей дауыл мен көктайғақтың салдарынан көлік апаты көбейіп, қар құрсауында қалғандар құтқарылып жатыр. Мәселен, төтеншеліктер аудан-ауылдарда мал бағып жүріп адасып кеткен адамдарды аман-есен үйлеріне жеткізді.
Полицейлер де аяғынан тік тұрып, тәулік бойы кезекшілікте жүр. Тәртіп сақшылары жолда қалған жүргізушілер мен шетелдік азаматтарға көмектесіп жатыр. Кешегі бір күннің өзінде 30 көлік жол апатына түсіп, 4 машина аударылып қалған. Ауа-райына байланысты бірқатар тас жолдарда көлік қозғалысы шектелді.
АСЫЛАН АРЗЫМБЕТОВ, Ақтөбе облысы төтенше жағдайларды жою басқармасы бастығының міндетін уақытша атқарушы:
Қазіргі таңда Хромтаудан Қарабұтаққа дейінгі аралықта жол жабық. Оның ішінде жүк және автобустарға, адам тасымалдайтын көліктерге жабық. Ал жеңіл көліктер жүруде. Жол жүргенде барлық шараларды сақтап, біздің смс хабарламаларға және «Дармен» мобильдік қосымшасында біздер ақпараттандыру жүргіземіз. Осының барлығын қарап, жолға шығуларын сұраймыз.
КӘМШАТ ҚОПАЕВА, тілші:
Қарағанды облысында да құтқарушыларға тыным жоқ. Олар ақ түтек боранда далада қалған тұрғындарды қауіпсіз аймаққа көшіруде. Сондай-ақ, қатты жел қала жұртын да әбігерге салды. Үйлердің шатыры ұшып, 1500-ға жуық тұрғын жарықсыз қалған. Өңірдегі бірқатар мектептерде екінші ауысымда оқитын балалар қашықтан оқуға жіберілді. Руслан, Солтүстік өңірде жағдай қалай?
РУСЛАН ЖАСҰЛАНҰЛЫ, тілші:
-----------------------------------------------
Теңдессіз жобамызға көз салыңыз:    • Сөздің шыны керек: [журналистік зертт...  
Бишімбаев ісі -    • Бишімбаев ісі  
Су тасқыны бойынша барлық ақпарат -    • Су тасқыны // Төтенше жағдай  
Жұмбақ өлімдер -    • Жұмбақ өлім  
Біз барлық әлеуметтік желідеміз, тіркеліңіз:
Информбюро 31    / @informburo31kanal  
Informburo kz    / @informburokz2022  
Facebook -   / informburo31  
Instagram -   / informburo31  
WhatApp - https://whatsapp.com/channel/0029VaDm...
TikTok - https://www.tiktok.com/@informburo31?...
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық