Hokim fermerlarning shartnomadan ortgan bug‘doyini o‘rib olgani kombayn bermayapti

Сирдарё вилоятининг Гулистон туманидан Тошкент вилоятининг Оққўрғон туманига ўтадиган назорат-текширув постида еттита комбайн икки кундан буён ушлаб турилибди.

Бу комбайнлар хусусий. Сирдарё вилоятида ўримни тугатганидан сўнг, қўшни вилоят фермерларининг ғалласини ўриш учун кетаётган эди.

Видеони Озодликка юборган фермернинг айтишича, Бўка тумани ҳокими фермерларнинг шартномадан ортиб қолган буғдойини ўриб олгани тўсқинлик қилмоқда.

Ҳоким, фермерлар иддаосича, ҳар гектар ердан 25 центнерлик шартномани бажарган бўлса ҳам, яна 2 центнердан қўшимча буғдой топширганидан сўнггина ўримга рухсат беришини айтган.

Бўка тумани ҳокими Низомиддин Аббосов Озодлик билан суҳбатда шартномадан ташқари яна 2 центнерлик мажбурият солинганини инкор қилар экан, комбайнлар вилоят чегарасида ушлаб турилганидан хабари йўқлигини айтди.

🔴 https://t.me/ozodlikkanali kanaliga obuna bo'ling!
🔴 Bizga xabar yo'llash uchun 👉 @ozodnews

Sirdaryo viloyatining Guliston tumanidan Toshkent viloyatining Oqqo‘rg‘on tumaniga o‘tadigan nazorat-tekshiruv postida ettita kombayn ikki kundan buyon ushlab turilibdi.

Bu kombaynlar xususiy. Sirdaryo viloyatida o‘rimni tugatganidan so‘ng, qo‘shni viloyat fermerlarining g‘allasini o‘rish uchun ketayotgan edi.

Videoni Ozodlikka yuborgan fermerning aytishicha, Bo‘ka tumani hokimi fermerlarning shartnomadan ortib qolgan bug‘doyini o‘rib olgani to‘sqinlik qilmoqda.

Hokim, fermerlar iddaosicha, har gektar erdan 25 tsentnerlik shartnomani bajargan bo‘lsa ham, yana 2 tsentnerdan qo‘shimcha bug‘doy topshirganidan so‘nggina o‘rimga ruxsat berishini aytgan.

Bo‘ka tumani hokimi Nizomiddin Abbosov Ozodlik bilan suhbatda shartnomadan tashqari yana 2 tsentnerlik majburiyat solinganini inkor qilar ekan, kombaynlar viloyat chegarasida ushlab turilganidan xabari yo‘qligini aytdi.

Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |

#ozodlik #mirziyoyev #fermer #plan