Скачать или смотреть សង្ខេប​រឿង​ "​ ទុំ​ទាវ​ "​ និពន្ធ​ដោយ​ព្រះ​ ភិក្ខុ​ សោម

សង្ខេប​រឿង​ "​ ទុំ​ទាវ​ "​ និពន្ធ​ដោយ​ព្រះ​ ភិក្ខុ​ សោម​

នៅនៅវត្តវិហារធំ ក្នុង​ខេត្ត​បាភ្នំ​ មាន​នេន​ពីរ​អង្គ​ មួយ​អង្គ​នាម​ទុំ មួយ​អង្គ​ទៀត​នាម​ពេជ្រ​ ស្រឡាញ់​គ្នា​ដូច​​បង​ប្អូន ហើយ​តែង​នាំគ្នា​ ធ្វើ​តោក​លក់​ជា​ធម្មតា។​ នេនទុំ​ បាន​ទាំង​រូប​សម្បត្តិ​ បាន​ទាំង​វោហារ​ ទាំង​សំឡេង​ ឯវិជ្ជា​មន្ត​អាគម​​អូម​អាម​ក៏​ចេះចាំ​យ៉ាង​ស្ទាត់។ ចំណែក​នេន​ពេជ្រ​ក៏​ពូកែ​ខាង​ផ្លុំ​ប៉ីណាស់​ដែរ។ ខែ​រងារ​មក​ដល់​ នេន​ទាំងពីរ​អផ្សុក​បាន​បបួល​គ្នា​ លា​លោក​គ្រូ​ផ្ទុក​តោក​ក្នុង​រទេះ​ នាំ​ទៅ​លក់​ជា​នៅ​ស្រុក​ឆ្ងាយ​។ នេន​ដើរ​លក់​ហូរ​ហែ​ ដល់​ខេត្ត​ត្បូង​ឃ្មុំ។ គ្រប់​ទី​​កន្លែង​ដែល​នេន​ទៅ​ដល់​ រូប​សម្បត្តិនិង​សំឡេង​របស់​ទុំ​ បាន​ទាក់​ទាញ​ប្រជាជន​ឲ្យ​ចោម​រោម​ស្រឡាញ់​រាប់​អាន​។

នាងទាវឭនាងនោ​នោ​ ជា​អ្នក​បម្រើ​​អួត​សរសើរ​ពី​នេន​ទុំ​ក៏​ទៅ​អង្វរ​ម្តាយ​ឲ្យ​ទៅ​និមន្ត​នេន​មក​ស្មូត្រ​នៅ​លើ​ផ្ទះ។​ ពេល​ស្មូត្រ​ នាង​ទាវ​ចេះ​តែ​ស្ទុះ​ស្ទា​ឆ្លេ​ឆ្លា​ ម្តង​ចូល​ក្នុង ម្តង​ចេញ​ក្រៅ​។ នេន​ទុំ​ គ្រាន់​តែ​ក្រឡេក​ឃើញ​នាង​ទាវ​ក៏​ស្រឡាញ់​ភ្លាម។ នេន​ស្មូត្រ​​រើស​តែ​វគ្គ​ត្រង់​ណា​ដែល​អាច​ប្រើ​ពាក្យ​​«អូន​ – បង»បាន។ នាង​ទាវ​បាន​រៀប​ជើង​ពាន​ មាន​ផាហ៊ុម ដន្លាប់​ និងបារីស្លា ​​ឲ្យ​នាងនោ​មក​ប្រគេនទុំ ហើយ​នាង​សំបូង​​សង្រូង​​ឲ្យ​បាន​ជួប​ទុំ​ជា​គូគាប់។​ ទុំ​ទទួល​គ្រឿង​បរិក្ខារ​ហើយ តាំង​ស្មូត្រ​មេ​ស្នេហ៍​​ឲ្យ​ទាវ​ស្រឡាញ់​ខ្លួន។ តាំង​ពី​ពេល​នោះ​មក ទាំង​ពីរ​នាក់​នឹង​គ្នា​ទៅ​វិញ​ទៅ​មក​យ៉ាង​អន្ទះ​អន្ទែង​។
ទ្រាំ​ស្ថិតនៅ​ក្នុង​ផ្នួស​លែង​បាន ទុំ​ក៏​ទៅ​សូម​លោក​គ្រូ​សឹក។ ​​លោក​គ្រូ​គូស​លេខ​អត្តៈ ​គន់​គូរ​ពី​​ជតារាសី​សិស្ស​ ឃើញ​ថា​​ទុំ​មាន​ទំនាយ​ត្រូវ​ធ្លាក់​គ្រោះ​មរណៈ។ លោក​បាន​ឃាត់​ទុំ​ឲ្យ​ពន្យារ​ពេល​សឹក​ រហូត​ដល់​ខែ​ពិសាខ។ ឯពេជ្រ​ លោក​អនុញ្ញាត​ឲ្យ​សឹក​ភ្លាម​បាន។ កើត​ទុក្ខ​មិន​បាន​សឹក​ ទុំ​ក៏​យក​ទៀន​ធូប​ទៅ​ប្រកាស​សឹក​ម្នាក់ឯង​ ក្បែរដំបូក​មួយ។ សឹក​រួច ទុំ​ទៅសុំទោស​គ្រូ ហើយ​មកលា​ម្តាយ​ធ្វើ​ដំណើរ​ទៅ​ត្បូង​ឃ្មុំ​ភ្លាម ដោយ​មាន​ពេជ្រ​កំដរ​ផង។ ពេល​យប់​ អ្នក​ដំណើរ​ទាំង​ពីរ​តែង​ឡើង​ដេក​លើ​ប្រគាប​ឈើ ទាំង​ចិត្ត​ព្រួយ​បារម្ភ​ខ្លាច​សត្វ​សាហាវ​គ្រប់​បែប​ ហើយ​ទុំ​ក៏​នឹក​ឃើញ​ថា ការ​តស៊ូ​របស់​ខ្លួន​ ដើម្បី​ស្រី​បែប​នេះ ហាក់​ដូច​ជា​មិន​សម​សោះ។ មក​ដល់​ត្បូង​ឃ្មុំ​ ទុំ​ ពេជ្រ​ នាំគ្នា​​ទៅ​ស្នាក់​នៅ​ផ្ទះ​ម្តាយ​ធម៌​របស់​ខ្លួន។