Скачать или смотреть ಎಲ್ಲೆಲ್ಲಿಯೂ ಸಲ್ಲುವ ಕಲೆ ಜನಪದ ಕಲೆ-ಗುಡ್ಡಪ್ಪ ಜೋಗಿ

ಜನಪದ ಕಲೆ ಎನ್ನುವುದು ಎಲ್ಲ ಕಡೆಯೂ ಸಲ್ಲುವಂತದ್ದು, ಜನರ ನಡುವಿನ ಆಡು ನುಡಿಗಳೆ ಇಂದಿನ ಜನಪದ ಹಾಡುಗಳು-ಗುಡ್ಡಪ್ಪ ಜೋಗಿ

ಜನಪದ ಎಂದರೆ ಜ್ಞಾನಪದ ಹಬ್ಬ ಹರಿದಿನಗಳ ಸಂಭ್ರಮದಲ್ಲಿ ಬಯಲಿನಲ್ಲಿ ಕೇಳುವ ಈ ಮನದಿಂಪಿನ ಹಾಡುಗಳು ಸಮಾರಾಧನೆಯಲ್ಲೂ ಕೆಲವು ಮನೆತನಗಳು ಬಳಸಿಕೊಂಡು ಬಂದಿವೆ ಎಂದು ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಹೊಸೂರು ಗುಡ್ಡಪ್ಪ ಜೋಗಿ ಹೇಳಿದರು.
ಅವರು ಜಯಪುರ ಸಮೀಪದ ಎತ್ತಿನಟ್ಟಿ-ದಿಟೆಕೊಪ್ಪ ಗ್ರಾಮದಲ್ಲಿ ಸುಬ್ಬಪ್ಪಗೌಡರ ವೈಕುಂಠ ಸಮಾರಾಧನೆ ಕಾರ್ಯಕ್ರಮದಲ್ಲಿ ಹೀಗೆ ಹೇಳಿದರು.
ಮನುಷ್ಯನ ಆಯಸ್ಸು ಪ್ರಕೃತಿಯ ಕೈಯ್ಯಲ್ಲಿದೆ. ಆದರೂ ನಂಬಿಕೆಯೊಂದಿಗೆ ಜೀವನ ನಡೆಸುವ ನಾವುಗಳು ಜೀವಿತಾವಧಿಯಲ್ಲಿ ಒಬ್ಬರಿಗೊಬ್ಬರು ಸಹಾಯ ಮಾಡುವ ಮನೋಭಾವ ಹೊಂದಬೇಕು. ಸಾವು ಎಲ್ಲರಿಗೂ ಖಚಿತ. ಸತ್ತ ನಂತರ ನಮ್ಮ ಹೆಸರನ್ನು ಹಲವರು ನೆನೆಸಿಕೊಳ್ಳುವ ಕೆಲಸ ಮಾಡಿ ಹೋಗಬೇಕು.‌ ಆಗ ನಮ್ಮ ಬದುಕಿಗೆ ಸಾರ್ಥಕ ಬೆಲೆ ಬರುತ್ತದೆ ಎಂದು ಅವರು ಹೇಳಿದರು.
ಇದೇ ವೇಳೆ ಹೊಗಳಿಕೆಯ ಪದಗಳು, ತತ್ವಪದಗಳು, ಶರೀಫರ ಹಾಡುಗಳು, ಜನಪದ ಹಾಡುಗಳು, ಗೀಗೀ ಪದಗಳನ್ನು ಹಾಡಿದರು. ಇವರೊಂದಿಗೆ ಕಲಾವಿದರಾದ ಶಿವಕುಮಾರ ಜೋಗಿ, ಶಿವರುದ್ರಪ್ಪ ಜೋಗಿ, ಗಣೇಶ್ ಜೋಗಿ ಇದರಲ್ಲಿ ಭಾಗಿಯಾಗಿದ್ದರು.
ಸುಬ್ಬಪ್ಪಗೌಡರ ಕುಟುಂಬದ ಸದಸ್ಯರಾದ ಪ್ರಜ್ವಲ್, ಪ್ರಖ್ಯಾತ್, ಸಮರ್ಥನಾ, ಚಂದ್ರಕಲಾ, ವೆಂಕಟೇಶ್ ಹಾಗೂ ಅವರ ಸಂಬಂಧಿಕರು, ಹಿತೈಷಿಗಳು ಹಾಜರಿದ್ದರು.

ಮೂರನೇಕಣ್ಣು ನ್ಯೂಸ್, ಸಾಗರ