Скачать или смотреть “Ako si Palaka (Barbourula busuangensis), Sadyang Nakakaawa” a Spoken Poetry

“Ako si Palaka (Barbourula busuangensis), Sadyang Nakakaawa”

Palaka, palaka, ako’y bubuka-bukaka.
Hugis ay naiiba, bilog ang bibig, lapad ang buha.
Mapintog ang katawan, luwa ang mga mata.
Tatalon-talon gamit ang mga malalakas kong hita.

Ang kulay ay pinaghalong kayumanggi at itim
Sa gabi’y gising upang hindi masilayan sa dilim.
Ang tiyan ko ay madulas at puti,
Sa loob ay mga insektong Sari-sari.

Ang uri ko’y Barbourula, Barbie frog kung iyong makikilala.
Gapalad ang sukat, webbed ang kamay at paa.
Kapag sumasabay sa agos
Tunay na sa inyong puso’y tatagos.

Matatagpuan sa mga isla ng Busuanga, Culion, Balabac, at Palawan.
Rainforest ang aking tinitirhan
At mga ilog na nilalanguyan.
Sa ilalim ng mga bato ako’y inyong madalas masisilayan.

Wala sa likod, wala sa harap.
Ako’y mailap kaya hindi madalas mahagilap.
Agad nagtatago kung iyong istorbohin
O para hindi madamay sa masama mong hangarin.

Kakarampot ang alam niyo sa aming pagpapalahi.
Walumpung itlog lamang sa ilalim ng bato, maaari.
Ako’y ‘shy’ kaya laboratoryong pagpaparami hindi tagumpay.
Sabing ang suspetsyang paglaki, diretso froglets daw kami.

Maduming katubigan ay aking lilisanin
Sapagkat buhay dito’y hindi para sa ‘kin.
Ako ay indikasyon ng kalinisan nito.
Samakatuwid, madumi yaon kung wala ang presensya ko.

Madalas akong pandirihan ng nakararami
Sapagkat ako’y ‘slimy’.
Sa inyo ako ay ‘ewee’.
Pero alam niyo bang peste sakin ang inyong dumi?

Sa kamay ninyong mga tao, hindi mabilang ang hamon.
May banta na sa populasyon
Dulot ng mataas na polusyon.
Kami’y posibleng maubos na sa paglaon ng panahon.

Pagputol ng mga puno, Ilegal na pag-mimina,
At walang habas na pagtatapon ng basura.
Mga pagsasawalang bahala
Ang kumikitil sa aking importansiya.

Ako ang palakang sadyang kaawa-awa
Huni ko’y hindi abot ang inyong tainga at diwa.
Kahit ang kagandahan ko ay walang nagawa
Para maprotektahan sa dala ninyong sakuna.

Palaka man na maituturing pero may silbi rin.
Kalinisan ang aking hangarin.
Mga tao, sana nama’y dinggin
Ekosistema ay palawigin, ating tahanan ay huwag sirain.
——————
Barbourula busuangensis frog commonly known as the Philippine flat-headed frog, is making a sincere plea in this spoken poetry.
This endemic species of frog is found only in the Philippines' Busuanga, Culion, Balabac and Palawan Islands. It is considered as Near Threatened. The poem serves as a reminder of our responsibility to protect our biodiversity.

Video footage of Palawan flat-headed frog:    • Born to be Wild: Searching for the Palawan...  

#biodiversityspokenpoetry

Made by students from BS Environmental Science 3-1:
Chezka, Alarde
Flores, EJ
Garabillo, Rafael
Huinda, John Michael
Villaruz, Ma. Shekinah Ruth
DISCLAIMER: No copyright infringement intended. This video is for educational purposes only.