Скачать или смотреть Episode 5: BIDA ang Mga Solusyon at Sectoral Action Plans sa BIDP

Handa na ba kayong ipagpatuloy ang makabuluhang talakayan tungo sa isang malusog at maunlad na barangay?
Kung oo? Tara, BIDA Juan na!

Para sa Episode 5 ng BIDA Juan, Aralin 1: Pagbuo ng Barangay Integrated Development Plan (BIDP), samahan ninyo kaming tukuyin ang proseso ng pagbabalangkas ng BIDP, at kung ano nga ba ang papel ng BMIS sa pagpaplano nito.
Dagdag pa rito, pag-uusapan din natin sa Aralin 2: Paghahanda ng Sectoral Action Plans para sa BIDP ang mga hakbang sa pagsusulat nito. Bukod pa rito, masusubaybayan din natin kung paano nga ba ginagawang nutrition-sensitive ang Programs, Projects, and Activities (PPAs).

Ang BIDA Juan ay hatid ng UPLB Department of Development Broadcasting and Telecommunication ng UPLB College of Development Communication, kasama ng BIDANI Network Program ng UPLB College of Human Ecology. Layunin ng ating episode ngayon na bigyan kayo ng matibay na pundasyon sa pagbuo ng inyong Barangay Integrated Development Plan (BIDP).

Ito ay isang kursong pormal na sinusuportahan ng lokal na pamahalaan ng Calauan upang tulungan ang mga opisyal ng barangay, pinuno ng komunidad, at miyembro ng local planning bodies mula sa 17 barangay nito, ukol sa proseso ng paggawa ng BIDP.

Tumutok lamang sa Radyo DZLB Ang Tinig ng Kaunlaran Facebook Page tuwing Lunes, Miyerkules, at Biyernes, 5 PM–6 PM! Tandaan sa BIDA Juan, ikaw ang BIDAng Natututo at BIDAng Kumikilos para sa Kaunlaran!

#BIDAJuan
#BIDANI
#RadyoDZLB