Скачать или смотреть பாரதியார் பல்கலைக்கழ கத்தில் ஆராய்ச்சி மையத்தை தொடர்ந்து நடத்த வேண்டும் மாணவர்கள் கோரிக்கை மனு.*

பாரதியார் பல்கலைக்கழ கத்தில் முதுகலை விரிவாக்க மற்றும் ஆராய்ச்சி மையத்தை தொடர்ந்து நடத்த வேண்டும் என மாணவர்கள் மாவட்ட ஆட்சியர் அலுவலகத்தில் கோரிக்கை மனு.
ஈரோடு அடுத்த பெருந்துறை அருகே பாரதியார் பல்கலைக்கழகத்தின் முதுகலை விரிவாக்க மற்றும் ஆராய்ச்சி மையம் செயல்படுகிறது.
இதில் தற்போது 81 மாணவ மாணவியர் முதுகலை கல்வி பயின்று வருகிறார்கள். இந்த நிலையில் கடந்த இரண்டு வாரங்களுக்கு முன்னர் இந்த பயிற்சி மையம் போதிய மாணவர்கள் இல்லை என்பதனால் மூடப்பட இருப்பதாகவும் இந்த மையம் கோவையில் உள்ள தலைமை பல்கலைக்கழக வளாகத்தில் அமைக்கப்படுவதாகஅறிவிக்கப்பட்டுள்ளது. இதனை திரும்ப பெற வலியுறுத்தி ஈரோடு மாவட்ட ஆட்சியர் அலுவலகத்தில் அங்கு பயிலும் முதுகலை மாணவர்கள் கோரிக்கை மனு அளித்து இருக்கிறார்கள்.

அதில் கடந்த 20 ஆண்டுகளுக்கு மேலாக இங்கு பல்வேறு மாணவ மாணவியர் கல்வி பயின்று அரசு மற்றும் தனியார் பள்ளி கல்லூரிகளில் ஆசிரியராக பதவி பெற்று இருக்கிறார்கள்.
ஏழை எளிய மாணவர்களுக்கு மிகவும் பயன்படும் வகையில் உள்ள ஆராய்ச்சி மையம் நிலையில் இதனை மூட இயக்குனரகம் முனைப்பு காட்டி வருகிறது. இதனை மூடினால் மாணவர்கள் பெரிதும் பாதிக்கப்படுவதோடு ஈரோடு மாவட்டத்தில் முதுகலை பயிலும் மாணவர்களின் எண்ணிக்கை வெகுவாக குறையும்.
ஆகவே இந்த பயிற்சி மையத்தை தொடர்ந்து நடத்த வேண்டும் என மாவட்ட ஆட்சியர் அலுவலகத்தில் மாணவர்கள் கோரிக்கை மனு அளித்துள்ளனர்.