عايض الفهادي - ما همني ظني ( حصرياً ) | 2024

لمتابعة عايض الفهادي على مواقع التوصل و المنصات الموسيقية
https://alfan.link/ayidhalfahhadi

عايض الفهادي - ما همني ظني ( حصرياً ) | 2024
Ayed Al-Fahadi - Memories of Love ( ) | 2023

كلمات : فزاع الفهادي
تسجيل : استديو المشاهير
هندسة وتوزيع : حازم الابيض
فيديو : BH
توزيع ديجيتال : الفان


الكلمات:
لولا الامل بالله شكينا من الياس
ولولا الفرج مانالو الصابريني

ولولا النوايف ما أعتلا كل قرناس
ولولا الشدايد ماعرفنا العويني

رفقة رفيق الصدق عزاً ونوماس
اللي على الماجوب من الاوليني

مثل عديم الوصف امشيع ابن محماس
اللي علوم الطيب بينه وبيني

إليا نصاه اللي من الوقت منحاس
يبشر براساً صاملاً ما يليني

من عزوة ابن غياث مبعدت الارماس
اللي غدو لجريس درعاً حصيني

الاد زايد متعبة قُب الافراس
زبن الدخيل اللي حدته السنيني

والعز كسبه مايجي بالتدساس
والطيب له كسابةً محتضيني

ومن لا عرف سعر الجواهر والالماس
شاف الرخيص بوسط عينه ثميني

ما للوفاء والطيب حداً ومقياس
عداً عليه اهل الوفاء وارديني

ترى الفتى لاصار طيبه على ساس
يكحل عيون اعداه والحاسديني

والربح فبنوك المراجل والافلاس
يعطيك كشف حسابها كلمتيني

وانا احمدلله مشعلاً كل نبراس
وافعال طيبي من مكارم يميني

اقوم لاشفت الرياجيل جلااااس
واجمل الجلّاس والغايبيني

واجلس الليا منه كفاني ولد راس
اهم شي الماقف انه ثميني

وان خابت الهقوات في بارد الراس
مــاخابت الهقــوات فالطيبـيني

وماهمني ضني إليا خاب فالناس
الموت ضن النـاس لاخـاب فيـني

ومن طاح من عيني من الخلق لاباس
والله ماعاد ارجعه وسط عيني

باب الموده والمحبه والاحساس
توضح بوجه الطيّب اللي يبيني