Скачать или смотреть မုံရွာမှာ စစ်တပ်က ဆိုင်ကယ်စီးလာတဲ့ အမျိုးသား ၃ဦးကို ပစ်သတ် | People's Spring

မုံရွာမှာ စစ်တပ်က ဆိုင်ကယ်စီးလာတဲ့ အမျိုးသား ၃ဦးကို ပစ်သတ်

စစ်ကိုင်းတိုင်း၊ မုံရွာမြို့နယ် ကူတောပလ္လင်ကျေးရွာအနီးမှာ ဆိုင်ကယ်စီးလာတဲ့ အမျိုးသား ၃ဦးကို စစ်တပ်က ပစ်သတ်သွားပြီး အလောင်းတွေကို လမ်းဘေးစွန့်ပစ်သွားတယ်လို့ ဒေသခံတွေက ပြောပါတယ်။

နိုဝင်ဘာ ၇ ရက် မနေ့ ညနေပိုင်းက မုံရွာမြို့နယ်၊ ကူတောပလ္လင်ရွာအနီးမှာ ကြာပိုင်ရွာဘက်ကနေ ဆိုင်ကယ်နှစ်စီးနဲ့လာတဲ့ အမျိုးသား ၃ဦးကို စစ်တပ်က အိမ်စီးကားနဲ့ လိုက်လံပစ်ခတ်ခဲ့ရာမှာ ၃ဦးလုံး သေဆုံးသွားကြောင်း ဒေသခံတွေက ဆိုတာပါ။

သေဆုံးသူ ၃ ဦးရဲ့ ရုပ်အလောင်းတွေကိုတော့ လမ်းဘေးသစ်ပင်အောက်မှာ ပစ်သွားတယ်လို့ ဒေသခံတွေက ပြောပါတယ်။ သေဆုံးသူတွေက ဘယ်သူတွေလဲဆိုတာ မသိရသေးပါဘူး။

မျက်မြင်တွေ့ခဲ့ရတဲ့ ဒေသခံတစ်ဦးက အလောင်းတွေကို ဒီနေ့ မနက်ပိုင်းက လာကောက်သွားပြီး အူတွေလည်း ထွက်နေတယ်လို့ ဆိုပါတယ်။

စစ်ကောင်စီတပ်ဟာ ဆိုင်ကယ်ကို လူ ၂ ယောက်ထက်ပိုစီးတာတွေ မြင်ရင်လည်း လိုက်လံပစ်ခတ်လေ့ရှိတယ်လို့ သိရပါတယ်။

ဒါ့အပြင် မုံရွာမြို့က လူငယ်တွေဟာ စစ်ကောင်စီတပ်ရဲ့ ပေါ်တာဆွဲဖမ်းဆီးမှုတွေလည်း ခံနေရတယ်လို့ ဒေသခံတွေက ဆိုပါတယ်။

စစ်ကောင်စီတပ်ဟာ မုံရွာ-အရာတော်လမ်းပိုင်းဘက်မှာလည်း နယ်မြေစိုးမိုးမှုရဖို့ ကြိုးစားနေတယ်လို့ ဒေသခံတွေဆီက သိရပါတယ်။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

  / subscribe  
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗧𝗲𝗹𝗲𝗴𝗿𝗮𝗺 - https://t.me/peoplespring

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA