佘詩曼封滿貫視后 陳豪16年後再奪視帝 馬國明曬幸福：太太開心就旺夫

佘詩曼封滿貫視后 陳豪16年後再奪視帝 馬國明曬幸福：太太開心就旺夫

TVB台慶劇集《新聞女王》喺《萬千星輝頒獎典禮2023》勇奪得最佳劇集大獎，橫掃8個獎項，「三料視后」佘詩曼成為全晚大贏家，林峯與楊茜堯頒視后獎座祝賀佘詩曼，佘詩曼致詞時更喜極而泣。

頒獎典禮今年移師澳門上葡京綜合度假村隆重舉行，阿佘好開心今次回巢拍劇，重遇好多舊朋友，又有機會同新演員合作，阿佘喺老友手上接過獎座，亦勾起好多難忘回憶，阿佘笑指林保怡同林峯好口密，自己事前冇講做頒獎嘉賓；陳豪相隔16年再奪視帝寶座，由太太陳茵媺親自頒獎，陳豪得獎後即甜蜜表示要帶太太去一個二人世界旅行。

馬國明榮封大馬視帝，佢指2023年係幸運年，未試過最高收視嘅三套劇都有自己份，馬明更指太太湯洛雯開心就旺夫，《隱形戰隊》奪得大馬最喜愛劇集，監製文偉鴻率領一眾演員開心領獎，台前幕後興奮不已；《隨懿深度行》獲大馬節目獎，黎諾懿開心以監製身份獲得肯定，多謝太太一直照顧好小朋友，令諾懿放心投入工作。

黃宗澤奪得大灣區最喜愛男主角，獲兩大前輩羅嘉良及林保怡頒獎，黃宗澤感到好榮幸。而林子善首奪最佳男配角，台上激動落淚兼跪地鞠躬答謝父母，高海寧亦係首奪最佳女配，佢心情激動，感謝屋企人咁多年嘅支持，同時感謝「Man姐」阿佘提點。

#TVB #台慶劇 #新聞女王 #萬千星輝頒獎典禮 #佘詩曼 #視后 #林峯 #楊茜堯 #陳豪 #視帝 #陳茵媺 #馬國明 #大馬視帝 #湯洛雯 #旺夫 #隱形戰隊 #文偉鴻 #隨懿深度行 #黎諾懿 #黃宗澤 #羅嘉良 #林保怡 #林子善 #高海寧
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0