Jek London. Shimol Odesseyasi

Jek London tahallusi, asl ismi sharifi Djon Griffit. 1876 yil Amerika kambag‘al fermer oilasida tug‘ildi. Uning bolaligi juda qiyinchilik bilan o‘tdi. Fabrika, zavod, elektrostantsiyalarda ishladi. Shunday bo‘lsada u adabiyot olamiga juda erta kirib keldi. Dastlabki yozgan ijodiy namunalariyoq uni yozuvchi sifatida ommaga tanitti. “Shimol Odesseyasi”, “Otalar hudosi”, “Ayoz bolalari” hikoyalari, “Qor qizi” romani Jek Londonning ilk asarlaridir. Yozuvchining “Martin Iden”, “Uch qalb”, “Oy vodiysi”, “Yo‘l”, “Hudolar kulganda”, “Janub dengizi ertaklari”, “Orol hikoyalari”, “Dengiz burisi”, “Sarguzasht”, “Quyosh o‘g‘li” va boshqa qator roman, hikoya novellalarida inson va tabiyat birinchi o‘ringa chiqadi. Jek London insonning tabiyat ustidan hukmronlikka intilish harakatlarini qoralaydi. Insonning tabiyat oldida baribir ojiz qolishini isbotlaydi. Uning fikricha inson va tabiyat bir butinlik, ular bir-birining tabiyatiga bo‘ysinib yashashi kerak. Yozuvchining kitoblari ko‘p tillarga tarjima qilingan. Jek London hikoyalari hayoti voqiylikka asoslangan bo‘lib, ular yozuvchining o‘ta sinchikov, kuzatuvchang shaxs ekanidan dalolat beradi. Bu asarlar bilan tanishgan o‘quvchi hayotni yanada chuqurroq o‘rganadi, uning patu-balandlikdan iborat yo‘l ekanini his qiladi. Muallifning jonli tasvirlarida o‘z hayoti bilan o‘yg‘un bo‘lgan qandaydir uxshash chizgilarni kuradi. Yozuvchi qalamiga mansub asarlar bugungi kungacha yashab, muhlislari tomonidan sevib ardoqlanib kelinayotganining siri ham shunda.