26 iyun - Silahlı Qüvvələr Günü

26 iyun- Silahlı Qüvvələr Günü

26 iyun tarixi Vətən naminə böyük hünər və qəhrəmanlıqlar göstərən Azərbaycan Ordusunun yarandığı gündür.
Bu hadisənin önəmini Azərbaycan Respublikasının Prezidenti Cənab İlham Əliyevin sözləri ilə bir daha qeyd edək: "Hər bir ölkə üçün onun ordusu çox vacib bir atributdur, çox önəmli bir rəmzdir. O cümlədən Azərbaycan üçün".
Bu cür önəmli hadisədən danışırıqsa, bu hadisənin yaranma tarixində qeyd etməliyik. Bu şanlı tariximizə nəzər salaq!
Azərbaycan Xalq Cümhuriyyəti hökumətinin qərarı ilə 1918-ci il iyunun 26-da ilk hərbi hissə - əlahiddə korpus yarandı. Bu qərar Şərqin müsəlman aləmində ilk demokratik hökumətin öz ordusunu yaratmasına hüquqi əsas verdi. Lakin 1920-ci il aprelin 28-də Azərbaycanın Bolşevik Rusiyası tərəfindən işğalı nəticəsində Azərbaycan Xalq Cümhuriyyətinin varlığına son qoyuldu və ordu quruculuğumuz inkişafını başa vura bilmədi. Lakin müstəqilliyimizi bərpa etdikdən bu sahadə də adımlar atıldı. Belə ki, 1992-ci ildə Prezident Əbülfəz Əliyev (Elçibəy) oktyabrın 9-nun Azərbaycan Milli Ordusunun yaradılması günü kimi qeyd edilməsi ilə bağlı qərar verdi.
Ancaq bundan bir neçə il sonra ( 1998, 22 may) Prezident Heydər Əliyev Azərbaycan Silahlı Qüvvələrinin yaranma günü kimi 26 iyun tarixinin götürülməsi ilə bağlı qərar verdi. Ordumuzun gücü barəsində isə ən böyük sübut ll Qarabağ müharibəsində qazanılan tarixi qələbədir.