Скачать или смотреть နာမည်ကြီးနေတဲ့ ပေါင်းလောင်းတိမ်ပင်လယ် | ရှန်ဂရီလာတိမ်ပင်လယ်

ဒီ vlog လေးကတော့ အခုတလော လိုင်းပေါ်မှာ နေပြည်တော်တိမ်ပင်လယ်ဆိုပြီး နာမည် ကြီးနေတဲ့ နေရာလေးတစ်ခုကို သွားရောက်ရိုက်ကူးဖြစ်ခဲ့ပါတယ်။ တကယ်ကတော့ နေပြည်တော်မှာ တည်ရှိတဲ့ တိမ်ပင်လယ်မဟုတ်ပဲ ရှမ်းပြည်နယ်တောင်ပိုင်း၊ ပင်လောင်း မြို့နဲ့ နေပြည်တော်ကြားက ပေါင်းလောင်းမြို့လေးမှာတည်ရှိတဲ့ လှပတဲ့ တိမ်ပင်လယ်နေရာတစ်ခုပဲဖြစ်ပါတယ်။ တိမ်ပင်လယ်ရှိတဲ့နေရာဟာ ပအို့ဝ်ကိုယ်ပိုင်အုပ်ချုပ်ခွင့်ရဒေသ တစ်ခုဖြစ်ပြီး၊ ပေါင်းလောင်းမြို့အနီးက တောင်ထိပ်တစ်ခုပေါ်မှာဖွင့်လှစ်ထားတဲ့ ရှန်ဂရီလာ အပန်းဖြေနေရာပဲဖြစ်ပါတယ်။ မြင့်မားတဲ့တောင်စဉ်တန်းကြီးတွေ ပတ်ဝိုင်းထားပြီး တောင်ပတ်လမ်းအသွယ်သွယ်ကို ဖြတ်သန်းမောင်းနှင်သွားလာရတဲ့အတွက် ပေါင်းလောင်း တိမ်ပင်လယ်ကိုသွားတဲ့လမ်းတစ်လျှောက်လုံးမှာ ရှုမငြီးနိုင်စရာ သဘာ၀အလှအပ တွေကိုလည်း ကြည့်ရှုခံစားရရှိခဲ့ပါတယ်။ ဒါကြောင့် ဒီ vlog လေးထဲမှာ လည်း လှပလွန်းတဲ့ တိမ်ပင်လယ်အလှကို အများသူငှာ ကြည့်ရှုခံစားနိုင်အောင် ကြိုးစား ရိုက်ကူးတင်ပြထားတာမို့ ဒီ vlog လေးကိုကြည့်ရှုပြီး ကြည်နူးနှစ်သက်ကြလိမ့်မယ်လို့ ယုံကြည်မိပါတယ်။