Скачать или смотреть Aaj hai chehlum pyaso ka Nauha Lyrics

Nauha Lyrics

Aaj hai chehlum pyaso ka

Kal tha bhara Ghar Aur Qaime
Aaj wahan hai sannate
Aayee hai Zainab Karb-o-bala

Aaj hai chehlum pyaso ka

Yaad Ayi Abbas-e-Jarri
Tadpi roi Bint-e-Ali
Kaisi Hifazat kya pehra

Aaj hai chehlum pyaso ka

Dhoop Me lasha Akbar ka
Peeth rahi thi sar Laila
Rahgayi Haye Mai Tanha

Aaj hai chehlum pyaso ka

Dilbar-e-Farwa Ibne Hasan
Jiska Huva Pamal Badan
Ghurbat-e-Kubra Wawaila

Aaj hai chehlum pyaso ka

Shesh Maha Pyasa Asghar
Nanha Gala Teer aur Khanjar
Maa ki Nazar Khali Jhula

Aaj hai chehlum pyaso ka

Maa e Tadapti hai bechain
Karti hai Rorokar ye Bain
Rahgaye haye hum Zinda

Aaj hai chehlum pyaso ka

Goud ke pale kal the Jahan
Ab hai wahan Qabro ke nishan
Har Maa Karti hain Nauha

Aaj hai chehlum pyaso ka

Bachon ka Gham Bhool Gayi
Bhai ke gham me Binte Ali
Karti thi paham Ah-o-Buka

Aaj hai chehlum pyaso ka

Karti thi zainab Roke ye Bain
Utho mere maa Jaye Hussain
Ab lo sakina ka Pursa

Aaj hai chehlum pyaso ka

Dhoom se Hoga yeh Matam
Waqif hai is Bat se Hum
Armaan Hai yeh Zainab ka

Aaj hai chehlum pyaso ka

Gham khwaro Matam Daro
Yunhi Matam karte raho
Zainab Dengi tum ko Dua

Aaj hai chehlum pyaso ka

Kijiye Rasheed Ab Dil se Dua
Pohenche Hum sub Karb-o-bala
Pesh kare Wahan yeh Nauha

Aaj hai chehlum pyaso ka