المذيعه تسأل مبارك الحجيلان عن قصة الحزن اللي فيه💔 يرد عليها بقصيده 💔

يارب محدٍ سواك اللي يعرف القلوب
عبدك ليا مد حاجه ،، مطمعه بالاجر
ماعاد له غير وجهك لاطوته الذنوب
والا البشر واحدٍ يقبل والآخر هجر
إرزقني الدعوه اللي تختصرلي دروب
دعوه من اللي بكت عينه صلاة الفجر
.
ياكثر ماقلت هانت ،، والفرح بكره
الكذب بعضه مع انه كذب يحييني
•
أصبّر القلب وادري الضيق محتكره
وأسلي النفس لو محدٍ ،،، يسليني
•
والحزن لو هو بكيفي مايجي ذكره
ويلي على فرحةٍ ،، تِحزن عدويني
•
حسبته أيام هالمشوار ،،، مفتكره
ماكنت أظنّه بياخذ ..أجمل سنيني
•
عساني مكره طموحاتي ..ولا أكره :
حظي .. عساه الفرج بكره يناديني
•
رماني الوقت وسط أمواجه العكره
وأحس جرحي تربى في شراييني
•
محتاج للي يعجّز القلب عن شكره
والله ماني بحاجة شخص ،،، يرثيني
•
•
#مبارك_الحجيلان
#تذوق_مصمم
لقا مبارك الحجيلان
السهر طال ،،، ياليل المشاوير
عطني النوم لو حتى استعاره
ودي ارتاح من هم التفاكير
ودي اقعد على صوت البشاره
ودي اقطف من ايامي نواوير
ودي افرح عقب ذقت المراره
أتماسك وفي وجهي تعابير
لكن الحر يفهم .. بالأشاره
راضيٍ في نصيبي والمقادير
صحة العبد تشفع عن دماره
يالله إني طلبتك بالتباشير
قبل لأصبح تحت رهن الاشاره
كانها بالنوايا ..عطني الخير
رحمتك تجبره عقب إنكساره