Ballu Cantau Su Lamentu de su pastore Coro di Orgosolo Gruppo Rubanu Con testo With Lyrics

Dall'album - Su Lamentu de su pastore (1975) del Coro di Orgosolo Gruppo Rubanu

Da chi no amus traballu
in custa terra isolana
pro che trampare sa gana
nos fachimos unu ballu.

Ballade, ballade a bellu
ca m'azes apeigau
a puntu chi so torrau
a mandigare peta de masellu.

Ballende in s’aera sana
mi pariada rundinella
dappa fagher ortulana
de banana e ravanella

Muzere mea mi cheret a missa
pro adorare Santu Pantaleo:
issa li pregat a mi morrer eo,
ma deo li prego chi si morzat issa.

Mischinu Peraleone
ite sorte chi l’at zutu
sa mutzere l'ad’iscuttu
a murros unu tzitzone

Fintzas a boi commare fulana
chi bor seis cojuada in pitzinnia
e no che ‘i sa mala sorte mia
sessantun'annos e galu lo vacchiana

Si cheret cojuvà Maria Rana
chin d'unu chi li narana Piricu:
appodigada ses che soddu anticu,
ruja ses da sos vasos chi ti dana.

Coro meu, ajò, ajò
a sa tanca a facher linna.
Tenta bene sa pizzinna
ca nos bisonzat in domo:
sas bajaneddas de como
totus s'imprinzan a fura.

lichida non bind'ad'una
Petzi comare Angheledda
Ca juchet una vestedda
De curriarju 'e voe

Mariantoniedda ch'hat bessidu
pr'andare a linna a sa Costa Niedda:
E dae caddu ch'est ruta SA pisedda
a manu in terra, a cùcuru fichidu:
indovinae ite che l'apo vidu.

comare tened'una pudda sola
e andad'a domo anzena a facher cria
ma si sa pudda fid'istà sa mia
l’aio fattu una bella cassola.

Antziau che so’ a sa bandita
a li vier sa cara a s’amorada
ma mi tochet male si l’apo tocada
solamente una manu a una tita.

Ite bella muzere apo incapadu
de custu non mi poto lamentare
in bator annos chi semus in pare
una orta pro cura m’at basadu

Corfu ‘e balla li tenet a socra mia
ca non m’at dau sa fiza a ballare
apo ida ca est morta e a l’interrare
b’andet su corvu s’astore e s’istria

chie no at muzere corcat solu
e la passat sa vida isconsolada
cando chircat muzere e non bind’ada
vocad’a corriolos su lentolu