სოფელი აძვი - გორისა დატენის მიტროპოლიტ ანდრიას ქადაგება

გორისა და ატენის მიტროპოლიტ ანდრიას ქადაგება სოფელ აძვში 04/07/2021 წელი
#ეკლესია #გორისადაატენისეპარქია

✧･ﾟ: ✧･ﾟ:

სწავლება „ღვთის სიტყვის“ ხორციელად მოვლინების შესახებ

და სიტყვა ხორციელ იქმნა და დამკვიდრდა ჩვენ შორის (იოან. 1:14)
აი, ძმებო, ახალი დასაბამი, კურთხეული და მაცხონებელი. ეს ჩვენი ხსნის დასაბამია. ადამი ხორცში იყო, როდესაც ცოდვისა და სიკვდილის ძალაუფლების ქვეშ მოექცა. და ის, ვინც შექმნა ადამი, ხორცში გვევლინება, რათა იხსნას ადამი და მისი შთამომავლობა ცოდვისა და სიკვდილის ძალაუფლებისაგან . ძე ღვთისა, „სიტყვა“ (ლოგოსი), „სიბრძნე“, „ნათელი“ და „ცხოვრება“ ზეციდან გარდამოხდა ადამიანებთან, მოვიდა კაცობრივ ხორცში და კაცობრივი სულით; იგი განკაცდა, თუმცა არ განშორებია თავის ღვთიურ ბუნებას, იგი გარდამოვიდა მამისაგან განუშორებლად, იმ ყველაფრის შენარჩუნებით, რაც მარადიულად და მარადისობაში ჰქონდა, ოღონდ მან მიიღო რაღაც ახალი, კერძოდ - ადამიანური ბუნება. განკაცებისას არ შემცირებულა მისი ღვთაებრივი თვისებები, არ შეცვლილა მისი ურთიერთობა მამასა და სულიწმიდასთან. იორდანეზეც და თაბორის მთაზეც მამა ამოწმებს: „ეს არის ჩემი საყვარელი ძე!“ არ ამბობს: „ეს იყო ჩემი ძე“, არმაედ „ეს არის ჩემი ძე“, ხოლო სულიწმიდა იყო მასთან ხორცით ჩასახვის დროსაც და განუწყვეტლივ, ყოველ დღე, დედამიწაზე მისი მსახურების დასრულებამდე; უფალ იესო ქრისტეში ღვთაებრივი და ადამიანური ბუნება შეერთებულია, მაგრამ არ არის შერეული.

ეს როგორ? – ამის შესახებ ნუ კითხულობ, რადგან საკუთარ თავშიც კი ვერ გარკვეულხარ და არ იცი რა თქვა იმის შესახებ, თუ როგორც არიან გაერთიანებული შენს სხეულში ხორცი და სული. მხოლოდ იცოდე, რომ ღმერთი მოვიდა დედამიწაზე და ადამიანებს ენით გამოუთქმელი ძვირფასი ძღვენი მოუტანა - სამეფო ძღვენი, უხრწნელი, მარადიული, შეუფასებელი და უცვალებელი. იცოდე ეს და იხარე გულით. ეცადე, რომ ხელებიდან ჭუჭყი ჩამოიბანო, გრძნობები განიწმინდო, სული განიბანო, გული გაისუფთაო და გაისპეტაკო, გონება აკონტროლო და მიიღო ეს სამეუფო ძღვენი, რადგან ისინი არ ეძლევათ უწმინდურებს.

ჰოი, უფალო იესო ქრისტე, შეგვეწიე ჩვენ, რათა განვიწმიდოთ და გავნიბანოთ შენი სისხლითა და სულით და რათა ღირსი გავხდეთ შენი სამეუფო ძღვენის. ქება და დიდება შენდა უკუნისამდე, ამინ.

წმიდა ნიკოლოზ სერბი