SHAFOAT 1-суҳбат.

Қиёмат кунги шафоатни тўғри тушуниш керак. Бу ҳақида келгуси суҳбатларда яна ҳам батафсил келтирамиз.

Пайғамбарлар, олимлар, Қуръон ва бошқа солиҳ инсонлар ҳам шафоат қилади, аммо қандай?

Дунёда Расулуллоҳ юрган йўлда юрган умматлари мана шу дунёдалигидаёқ Расулуллоҳнинг шафоатига лойиқ бўлади. Яъни, у инсонни жаннатга киришига Пайғамбар алайҳиссалом сабабчи бўлади. Олимлар ва бошқа солиҳ инсонларнинг шафоатини ҳам мана шундай тушуниш керак.

Шафоат деганда, қиёматда мени ҳеч қандай амалим, дину диёнатим, эргашган пайғамбарим бўлмаса ҳам Аллоҳнинг ҳукмидан, Аллоҳ мени жаҳаннамга ҳукм қилганида жаҳаннам дарвозасига келиб Аллоҳ ва малакларига қарши чиқиб мени жаннатга олиб кириб кетади фалон-фалон азизлар, деган нотўғри тушунчага эга бўлмаслик керак.