Скачать или смотреть Uşaqlar üçün “Təmiz Şəhər” ASC-nin təsərrüfat sahələrinə eko maarifləndirmə turu təşkil etdik!

“Eko maarifləndirmə səfəri” layihəsi çərçivəsində təşkil olunan maarifləndirici turun məqsədi “Yaşıl dünya naminə həmrəylik ili” mövzusuna toxunaraq, Bakıda keçiriləcək COP29 tədbiri öncəsi uşaqların diqqətini ətraf mühitin mühafizəsinə yönəltmək idi. Uşaqlar bu tur zamanı müxtəlif zavodları gəzərək, tullantıların düzgün çeşidlənməsi, emalı və s. prosesləri əyani şəkildə izləyib, təbiətimizin qorunması üçün faydalı olan bir çox maraqlı məlumatlar əldə etdilər. Həmçinin, bir insanın il ərzində 360-400 kq tullantı yaratdığını öyrənərək, bu tullantıların hər birimizin evində düzgün çeşidlənməsinin vacibliyini əyani görüb, valideynlərinə və məktəbli dostlarına bu məlumatları ötürəcəklərinə söz verdilər! Tur çərçivəsində şagirdlərə bərk məişət tullantılarının düzgün idarə edilməsi ilə bağlı məlumatlandırıcı bukletlər paylanıldı və onları maraqlandıran suallar cavablandırıldı.