Скачать или смотреть დილის საუბრები | თენგიზ ფხალაძე

5 აპრილს "დილის საუბრებში":
გაეროს ინფორმაციით, რუსეთის მიერ სრულმასშტაბიანი ომის გაჩაღებიდან დღემდე უკრაინაში 1430 მშვიდობიანი მოქალაქე დაიღუპა, 2097 დაშავდა.
გერმანიის ყოფილი კანცლერის ბუჩაში დაპატიჟებაზე დაზუსტება სთხოვეს 4 აპრილს ბუჩაში ჩასულ უკრაინის პრეზიდენტს:
„ვფიქრობ, მან ჩემი გზავნილი მშვენივრად გაიგო და არა მხოლოდ მან, მე მას და ევროპის ლიდერებს მივმართავდი, ბატონ სარკოზისაც, რომლებიც, როგორც თქვენთვის ცნობილია, მნიშვნელოვან გადაწყვეტილებებს იღებდნენ ან, ასე ვთქვათ, რუსეთის ფედერაციის და სხვა ლიდერების გავლენის ქვეშ იყვნენ“.
ორშაბათს გერმანიისა და საფრანგების მთავრობებმა გამოაცხადეს, რომ უკრაინის ქალაქ ბუჩაში გამოვლენილი უსასისტეკესი დანაშაულების გამო ამ ორი ქვეყნიდან გააძევებენ რუსეთის საელჩოების თანამშრომლებს:
“გერმანიის მთავრობამ დღეს გადაწყვიტა რუსეთის საელჩოს თანამშრომლების ნაწილი გამოაცხადოს არასასრულველ პირებად. ისინი ყოველდღა მუშაობდნენ აქ გერმანიაში, ჩვენი თავისუფლების, ჩვენი ერთიანობის წინააღმდეგ“ - განაცხადა გერმანიის საგარეო საქმეთა მინისტრმა ანალენა ბერბოკმა.
„ჩემი შეფასებები ვლადიმირ პუტინზე გულისხმობდა იმას, რომ ის არ დაუშვებდა თავისი ქვეყნის სრულ ეკონომიკურ, პოლიტიკურ და მორალურ ნგრევას საკუთარი იმპერიული მანიის გამო - აქ, როგორც სხვები, მე შევცდი“ - ამას აცხადებს გერმანიის პრეზიდენტი ფრანკ ვალტერ შტაინმაიერი და ამატებს, რომ გერმანიამ „მარცხი განიცადა საერთო უსაფრთხოების არქიტექტურაში რუსეთის ჩართვის მცდელობაში“. შტაინმაიერი მცდარს უწოდებს მის მოწადინებას „ჩრდილოეთი ნაკადი 2“-ის პროექტის გამო.
„როცა ვლადიმირ პუტინი რუსეთის სათავეში მოვიდა მსოფლიო ლიდერებმა ჩახედეს მას თვალებში და კაგებეს რევანშისტი ოფიცრის ნაცვლად ის დაინახეს როგორც ძალიან “პირდაპირი და სანდო". …2008 წელს ნატომ უარი განაცხადა უკრაინისა და საქართველოსთვის გაწევრიანების სამოქმედო გეგმის მინიჭებაზე და ამით პრაქტიკულად მწვანე შუქი აუნთეს რუსეთს განეხორციელებინა სამხედრო აგრესია საქართველოს წინააღმდეგ. ...დღეს ყველანი ვიხდით წარსულში დაშვებული შეცდომების ფასს“ - ეს ჩვენი დღევანდელი გადაცემის სტუმრის სიტყვებია.
სტუმარი: თენგიზ ფხალაძე, საერთაშორისო პოლიტიკური ეკონომიკის ევროპული ცენტრის (ECIPE) უფროსი მკვლევარი.
დღევანდელ ეთერში კვლავ ვისაუბრებთ უკრაინა-საქართველოს ურთიერთობაზე ომის ფონზე და საქართველოს არჩევანზე. რა შეიძლება იდგას უკრაინის დაზვერვის უწყების მიერ გუშინ გავრცელებული ინფორმაცია რუსეთის მიერ საქართველოს ტერიტორიის სანქცირებული საქონლის გადასაზიდად გამოყენებაზე?..
მოგვწერეთ აქ და დაგვირეკეთ ეთერში ნომერზე 2 988 327.
ჩვენი გადაცემების ყურება შეგიძლიათ "დილის საუბრების" და რადიო თავისუფლების ფეისბუკის საიტებზე და მოსმენა - "რადიო მაესტროს" სიხშირეებზე მთელ საქართველოში.