Скачать или смотреть តើព្រហ្មមុខបួននៅលើកំពូលប្រាសាទបាយន័មានអត្ថនយ័ដូចម្ដេច?

រាជធានីអង្គរធំគឺជារាជធានីចុងក្រោយគេបង្អស់ និងឋិតថេរជាងគេនៃសម័យអង្គរ រហូតដល់សតវត្សរ៍ទី១៥ ដែលជារាជធានីដ៏អស្ចារ្យមួយ និងជាកន្លែងសាសនា និងរដ្ឋបាលនៃអាណាចក្រខ្មែរ។ ទីក្រុងនេះត្រូវបានកាសាងឡើងនៅចុងសតវត្សទី១២ដោយព្រះបាទជ័យវរ្ម័នទី៧។ រាជធានីនេះគ្របដណ្តប់លើផ្ទៃដីដែលមានទំហំ ៩គីឡូម៉ែត្រក្រឡា ដែលមានបូជនីយដ្ឋានជាច្រើនបន្សល់ទុកតាំងពីសម័យមុនៗមក និងសម័យព្រះបាទជ័យវរ្ម័នទី៧ ។ បន្ទាប់មកអ្នកស្នងរាជបន្តបានកសាងជាបន្តបន្ទាប់។ នៅចំកណ្តាលនៃរាជធានីនេះមានប្រាសាទមួយ ដែលកសាងដោយ ព្រះបាទជ័យវរ្ម័នទី៧គឺប្រាសាទបាយ័ន។ ពាក្យថាអង្គរធំ គឺមានន័យថាជារាជធានី ឬជាទីក្រុងដែលធំ។ រាជធានីនេះលាតសន្ធឹងពីមាត់ស្ទឹងសៀមរាបដែលជាដៃនៃបឹងទន្លេសាប ចំងាយប្រហែល ០,២៥ម៉ាយល៍ពីស្ទឹង(ប្រហែល៤០០ម)។ ទីក្រុងនេះមានក្លោងទ្វារចូលចំនួន៥គឺនៅតាមទិសនិមួយៗដូចជា៖ ទ្វារខ្មោច (នៅទិសខាងកើត) ទ្វារដីឆ្នាំង (នៅទិសខាងជើង) ទ្វារតាកៅ (នៅទិសខាងលិច) ទ្វារទន្លេអ៊ុំ (នៅទិសខាងត្បូង) និងទ្វារជ័យ (នៅទិសខាងកើតចំពីមុខទីលានជល់ដំរី។ គោបរៈនៃទ្វារនិមួយៗមានព្រហ្មមុខបួន។

ទ្វារនៅទិសខាងត្បូងក្រុងអង្គរធំស្ថិតនៅភាគខាងជើងទីក្រុងសៀមរាប មានចំងាយ ៧,២គីឡូម៉ែត្រ និង ១,៧គីឡូម៉ែត្រខាងជើងច្រកចូលប្រាសាទអង្គរវត្ត។ កំពែងជុំវិញអង្គរធំសាងសង់ឡើងពីថ្មបាយក្រៀមតំណាងឱ្យជាយដែនដី។របងថ្មទាំងនេះប្រៀបបានទៅនិងភ្នំសុមេរុមានប្រវែង១២គីឡូម៉ែត្រដែលជ្រុងនីមួយមានប្រវែង៣គមស្មើរគ្នា និងមានកំពស់៨ម៉ែត្រព័ទ្ធជុំវិញបរិវេញអង្គរធំដោយបានហ៊ំពទ្ធ័ដោយគូទឹកពីក្រៅមាន ទទឹងប្រវែង១០០ម ។ នៅតាមជ្រុងនីមួយៗនៃកំពែងពទ្ធ័ជុំវិញអង្គរធំមានប្រាសាទតូចមួយហៅថាប្រាសាទជ្រុង។

មានកេរ្ដេ៍ដំណែលជាច្រើនដែលបានបញ្ជាក់ថា ខែ្មរជាជាតិសាសន៍មួយដ៏ចំណាស់រស់នៅលើទឹកដីរបស់ខ្លួន ហើយ បានកសាងប្រទេសជាតិឲ្យមានសេដ្ឋកិច្ចរីកចំរើនរុងរឿង និងមានវប្បធខ្ពង់ខ្ពស់នៅតំបន់អាស៊ីអាគេ្នយ៍។ កេរ្ដិ៍ដំណែលទាំងនោះរួមមាន ប្រាង្គប្រាសាទ បារាយណ៍ ផ្លូវថ្នល់ ស្ពាន និងឧបករណ៍ប្រើប្រាស់ធ្វើពីថ្ម ដីដុត លោហៈ ស្ពាន់ មាស លង្អិនជាដើម ដែលមានអាយុកាលដ៏ចំណាស់។ ចំណែកឯស្ពាននាគនៅខ្លោងទ្វារ ចូលអង្គរធំគេឃើញមានចម្លាក់ទេវតា និងយក្ស ចំនួន១០៨គឺ៥៤នៅម្ខាងៗ។រូបទេវតាឈរនៅខាងឆ្វេងនិងរូបអសុរៈនៅខាងស្ដាំ។ទាំងទេវតានិងអសុរៈឈរកាន់នាគក្បាលប្រាំបួនទាញព្រ័ត្រ។ការធ្វើដូចនេះគឺដើម្បីចង់យកទឹកអម្រឹតរាងៗខ្លួនទង្វើរបែបនេះហើយដែលឆ្លុះបញ្ចាំងពីជំនឿសាសនាយ៉ាងជ្រាលជ្រៅរបស់ដូនតាបុព្វបុរសខ្មែរយើង ។#Angkor Thom Empire#siem reap#cambodia#Angkor Wat#