Скачать или смотреть កើតស្ត្រេសប៉ះពាល់ដល់ខួរក្បាលខ្លាំង និងវិធីកាត់បន្ថយស្ត្រេស | Stressful | Healthcare | Health Tips

#HealthTips #HealthTips #ស្ត្រេស
កើតស្ត្រេសប៉ះពាល់ដល់ខួរក្បាលខ្លាំង និងវិធីកាត់បន្ថយស្ត្រេស | Stressful | Healthcare | Health Tips
=============
ការរស់នៅក្នុងជីវភាពរាល់ថ្ងៃនេះ អ្នកអាចជួបនៅបញ្ហាស្ត្រេសជាច្រើន អ្នកខ្លះស្ត្រេសរឿងការងារ អ្នកខ្លះស្ត្រេសរឿងរៀនសូត្រ អ្នកខ្លះទៀតស្ត្រេសរឿងគ្រួសារជាដើម។ បើអ្នកស្ត្រេសក្នុងកម្រិតតិចតួចមិនមានផលរំខានអ្វីទេ ប៉ុន្តែប្រសិនបើអ្នកស្ត្រេសរាល់ថ្ងៃមិនអាចគ្រប់គ្រងអារម្មណ៍ខ្លួនឯងបានទេ អាចធ្វើឲ្យអ្នកប្រឈមនៅបញ្ហាសុខភាពជាច្រើន ហើយបង្អាក់នៅការគិតរបស់ខួរក្បាលអ្នក ហើយធ្វើឲ្យមានទម្លាប់បំផ្លាញសុខភាពដូចជា ពិសារអាហារច្រើនហួសហេតុ ជក់បារី ពិសារគ្រឿងស្រវឹង រហូតដល់ការប្រើប្រាស់គ្រឿងញៀនថែមទៀត ដោយសារតែគាត់គិតថាធ្វើទង្វើបែបនេះអាចជួយកាត់បន្ថយស្ត្រេសរបស់គាត់បាន។ នៅពេលដែលអ្នកស្ត្រេសរាល់ថ្ងៃធ្វើឲ្យកាត់បន្ថយនូវគុណភាពនៃជីវិត ព្រោះនៅពេលស្ត្រេសខ្លាំងធ្វើឲ្យខួរក្បាលបាត់បង់នូវសមត្ថភាពការគិត អារម្មណ៍ ហើយឧស្សាហ៍ឈឺក្បាល ឈឺទ្រូង ឬអស់កម្លាំង អ្នកខ្លះទៀតអាចឡើងសម្ពាធឈាមនិងពិបាកក្នុងការផ្តោតអារម្មណ៍និងស្មារតី ជាពិសេសធ្វើឲ្យអរម៉ូនមានអតុល្យភាពក្នុងរាងកាយ។ វិធីគ្រប់គ្រងស្ត្រេសបានគឺហាត់ប្រាណ ហើយពេលអ្នកធ្វើលំហាត់ប្រាណធ្វើឲ្យខួរក្បាលបញ្ចេញអង់ដូហ្វីនមានតួនាទីកាត់បន្ថយការឈឺចាប់ក្នុងរយៈពេលខ្លី ជួយដល់ការចងចាំ និងជួយឲ្យចង្វាក់បេះដូងនិងសរសៃឈាមដើរបានល្អ មួយវិញទៀតការធ្វើយូកានិងសមាធិក៏ជួយកាត់បន្ថយស្ត្រេសដែរព្រោះការធ្វើយូកាមានទំនាក់ទំនងជាមួយនិងខួរក្បាល ព្រមទាំងជួយដល់ការគិត និងជួយរាងកាយទាំងមូល ហើយធ្វើឲ្យអារម្មណ៍ស្ងប់ល្អ រីឯការជួយអ្នកដទៃក៏ជាវិធីកាត់បន្ថយស្ត្រេសបានល្អដែរ៕