Скачать или смотреть SERGIO BRUNI - 'NCOPP' A LL' ONNA

Classico napoletano composto da Bovio e Fassone interpretato con grande dolcezza da un magnifico Sergio Bruni.

'NCOPP' A LL' ONNA
Bovio - Fassone

Cchiù verde d''e frónne
stasera só' l'onne,
só' l'onne d''o mare...
Me 'ncanto e me pare
ch''a varca se sperde
pe' 'miez'a stu verde.
E i' voco, e vucanno, me scordo...
me scordo d''o munno, Marí'!...

Nonna, nonna,
'ncopp'a l'onna,
comm'è bello 'int''a varca a durmí...
Doce è 'o suonno
ca me sonno....
Ah, putesse, sunnanno, murí!...

Sunate, campane,
vicine e luntane
ca 'o mare risponne...
Rispónnono l'onne
ch''a sanno 'sta voce
ca è triste, ma è doce...
P''a terra e p''o munno, è na pace:
Chest'ora, mme fa 'ntennerí!...

Nonna, nonna,
'ncopp'a l'onna,
comm'è bello 'int''a varca a durmí...
Doce è 'o suonno
ca me sonno....
Ah, putesse, sunnanno, murí!...

Marí', tutt''e gioje
d''a vita só' 'e toje,
ma 'o mare è d''o mio...
Cá regno sul'io...
pecché, 'o marenaro,
è 'o rre, miez'ô mare!
Cu st'èvera bella ch'addora,
me faccio 'a curona, Marí'!

Nonna, nonna,
'ncopp'a l'onna,
comm'è bello 'int''a varca a durmí...
Doce è 'o suonno
ca me sonno....
Ah, putesse, sunnanno, murí!...

Doce è 'o suonno
ca me sonno....
Ah, putesse, sunnanno, murí!...