Скачать или смотреть ಶಯದೇವಿಸುತೆ ಮರವಂತೆ "ಡಾ. ಶಯದೇವಿಸುತೆ ಮರವಂತೆ" ಆದಂತಹ ಬದುಕಿನ ಅವಿಸ್ಮರಣೀಯ ಸಂತಸದ ಹರುಷಕ್ಕೆ, ಇಂದು ಒಂದು ವರುಷ.!!!

#phd #phdlife #phd_notification #phd2025 #delhi #newdelhi #usa #us #cambridge #cambridgeuniversity #kannada #kannadaliterature #honorarydoctorate #maravanthe #maravanthebeach #byndoortaluknews #byndoor #byndoortaluk #kundapura #kundapuratalents #kundapuranews #kundapurataluknews #kundapurataluk #spicejet #banglore #motivation #motivational #motivationalvideo #motivationalquotes #motivationalspeech #motivationalstory #inspiration #inspirational #inspirationalquotes #inspire #inspirationalvideo #india #indian #heggadde_studio #heggadde #heggaddesamachara #heggaddestudio

ಅಂತರಾಳದಿಂದ............
ಮನಸ್ಸಿನ್ಯಾಗಿನ ಮಾತು :- ನನಗೆ ಮೊದಲಿನಿಂದಲೂ ಒಂದು ದೃಢ ನಿರ್ಧಾರದ ನಿಲುವಿತ್ತು. ಬಾಲ್ಯದಿಂದಲೂ ಗುಯ್ಯೆಂದು ಕಿವಿಗಾಲಿಸಿ ಬರುವ ಹೆಲಿಕಾಫ್ಟರ್ ದನಿ ಕೇಳಿದರೆ ಸಾಕು, ಆ ದನಿಯನ್ನರಸಿ ಮನೆಯೊಳಗಿಂದ ಓಡಿ ಬಂದು ಮನೆಯಂಗಳದಲ್ಲಿ ನಿಂತು ಮೇಲ್ಮುಖವಾಗಿ ದೃಷ್ಟಿ ಹಾಯಿಸಿ ಆಕಾಶ ನೋಡಿದಾಗ ಅಬ್ಬಬ್ಬಾ! ಅಂತೆನಿಸೋದು. ಹೆಂಗೆ ಹೆಲಿಕಾಫ್ಟರ್ ಆಕಾಶದಲ್ಲಿ ಅತ್ತಿಂದಿತ್ತ ಸಾಗುತ್ತದೆ ಎಂಬ ವೈಜ್ಞಾನಿಕ ಸಂಶೋಧನೆಯ ನಿಗೂಢ ಸತ್ಯವನ್ನರಿಯದ; ತಿಳಿಯದ ಬಲು ಮುಗ್ಧ ಬಾಲ್ಯ ಎಳೆ ವಯಸ್ಸದು! ಆ ವಯಸ್ಸು ವರ್ಷ ಕಳೆದಂತೆಲ್ಲಾ ತುಸು ಜಾರಿ ಹದಿಹರೆಯಕ್ಕೆ ಕಾಲಿಟ್ಟಾಗ ಆಕಾಶದಲ್ಲಿ ಹಾರುವ ಆ ಲೋಹದ ಹಕ್ಕಿ ಅಂದ್ರೆ ವಿಮಾನವನ್ನು ಕಾಣುವಾಗಲೆಲ್ಲಾ ನನ್ನ ಮನಸ್ಸಲ್ಲೊಂಥರಾ ವಿಸ್ಮಯದ ಸಂಗತಿಗಳು ಒಳಗಿಂದೊಳಗೆ ಮೂಡುವುದು. ಆಗ ನನಗೂ ಅದರಂತೆಯೇ ಹಾರಬೇಕೆಂಬ ಮನಸ್ಸಾಗುತ್ತಿತ್ತು. ಆದರೇನು ಮಾಡೋದು ಹೇಳಿ?! ಆ ದಿಗಂತ ನೋಡಿದಾಗಲೆಲ್ಲಾ ನನಗೆ ಭೂಮಿ ಆಕಾಶ ಒಂದಾಗಿರುವ ಹಾಗೆ ಕಾಣ್ತಾ ಇತ್ತು! ಆದರೆ, ಅದು ನನ್ನ ಸಂಪೂರ್ಣ ಭ್ರಮೆ ಎಂದರಿತುಕೊಳ್ಳಲು ನನಗೆ ಹೆಚ್ಚಿಗೆ ಸಮಯವೇನೂ ಬೇಕಾಗಿರಲಿಲ್ಲ. ಈ ನಡುವಲ್ಲಿ ವಿಮಾನ ಯಾನ ಮಾಡುವ ಸುಯೋಗ-ಸೌಭಾಗ್ಯ ಸಾಕಷ್ಟು ನನಗೆ ವಿವಿಧ ರೂಪದಲ್ಲಿ ಹಲವರಿಂದ ಬಂದಿದ್ದರೂ ಸಹ ನಾನು ಮಾತ್ರ ಅದು ಆಕಾಶದಲ್ಲಿರೋದು, ನಾನು ಭೂಮಿ ಮೇಲಿರೋದು! ಆಕಾಶದೆತ್ತರಕ್ಕೆ ಭೂಮಿ ನಿಂತ್ಕೊಳ್ಳೋಕೆ ಸಾಧ್ಯವೇ ಇಲ್ಲ ಎಂದುಕೊಂಡವಳು ನಾನು! ಮಾತ್ರವಲ್ಲ, ಭವಿಷ್ಯದಲ್ಲಿ ವಿಮಾನ ಏರಿದರೆ, ಇನ್ನೇನಾದರೂ ಉತ್ತಮ ಸಾಧನೆ ಮಾಡಿಯೇ ಏರಬೇಕು. ಇಲ್ಲಾ, ಮತ್ತಿನ್ನೇನಾದರೂ ಹೊಸ ಸಾಧನೆ ಮಾಡುವ ಸಲುವಾಗಿಯೇ ಏರಬೇಕು ಎಂದುಕೊಂಡವಳು ನಾನು! ಹಾಗಾಗಿ, ಸುಮ್-ಸುಮ್ಮನೇ ಅತ್ತಿಂದಿತ್ತ ವಿಮಾನ ಏರಲು ಇರುವಂತಹ ಹಲವಷ್ಟು ಸದವಕಾಶಗಳನ್ನೆಲ್ಲಾ ಬದಿಗೊತ್ತಿ ಸರಿಸಿ ಬಾಳಲ್ಲಿ ಮುನ್ನೆಡೆದು ಸಾಗಿ ಸಾಧನೆಯ ಮೆಟ್ಟಿಲನ್ನ ಹತ್ತಿ ಬಂದವಳು ನಾನಿದ್ದೇನೆ. ಹಾಗಾಗಿ, ಇಲ್ಲಿಯವರೆಗೂ ಸಹ ಬದುಕಿನಲ್ಲಿ ಎಲ್ಲಿಯೂ ಸಹ ದುಡ್ಡು ಕೊಟ್ಟು ಪ್ಲೈಟ್ ಟಿಕೇಟ್ ತೆಗೆದಿರಿಸಿಕೊಂಡು ವಿಮಾನ ಯಾನ ಪಯಣಿಸುವ ಅನುಕೂಲವಿದ್ದರೂ ಸಹ ಇದುವರೆಗೂ ಸಹ ಏರಲಿಲ್ಲ.

ಆದರಂದು 2025, ಮಾರ್ಚ್ 01ರಂದು ಶನಿವಾರ. ಭಾರತದ ರಾಜಧಾನಿ ನವದೆಹಲಿಯಿಂದ ಕರ್ನಾಟಕದ ರಾಜಧಾನಿ ಬೆಂಗಳೂರಿನವರೆಗೆ ವಿಮಾನ ಪ್ರಯಾಣ ಮಾಡಿ ಬಂದಿದ್ದೇನೆ.
ಅದೂ ಶಯದೇವಿಸುತೆ ಮರವಂತೆ ಡಾ. ಶಯದೇವಿಸುತೆ ಮರವಂತೆಯಾದ ಆದಂತಹ ನನ್ನದೇ ಬದುಕಿನ ಅವಿಸ್ಮರಣೀಯ ಕ್ಷಣವಿಂದು!

ವಿವಿಧ ಹಲವಾರು ಕ್ಷೇತ್ರದಲ್ಲಿನ ನನ್ನ ಪ್ರಮುಖ ಗಣನೀಯ ಸಾಧನೆಯ ವಿಶೇಷ ಮಾನದಂಡದ ಆಧಾರದ ಮೇಲೆ ಪರಿಗಣಿಸಿ ಅದರಲ್ಲೂ, ವಿಶೇಷವಾಗಿ ಕನ್ನಡ ಸಾಹಿತ್ಯ ಕ್ಷೇತ್ರದಲ್ಲಿನ ವಿಶೇಷ ಸಾಧನೆಯನ್ನು ಮನಗಂಡು ವಿಶ್ವದ ಅತ್ಯುತ್ತಮ ಪ್ರತಿಷ್ಠಿತ ವಿಶ್ವವಿದ್ಯಾಲಯಗಳಲ್ಲಿ ಒಂದಾದ ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾದ ಕೇಂಬ್ರಿಡ್ಜ್ ಡಿಜಿಟಲ್ ವಿಶ್ವವಿದ್ಯಾಲಯವು “ರೆಕಗ್ನಿಶನ್ ಆಫ್ ದ ಎಕ್ಸಟ್ರಾರ್ಡಿನರಿ ಕಫಲ್ಡ್ ವಿಥ್ ಅನ್ವೇವರಿಂಗ್ ಡೆಡಿಕೇಶನ್ ಆ್ಯಂಡ್ ಅಚೀವ್ಮೇಂಟ್ ಇನ್ ದ ವೇರಿಯಸ್ ಫೀಲ್ಡ್ಸ್ ಎಸ್ಪೆಷಲಿ ಇನ್ ದ ಫೀಲ್ಡ್ ಆಫ್ ಕನ್ನಡ ಲಿಟರೇಚರ್” - ಎಂಬ ವಿಷಯಕ್ಕೆ "ಅಂತರಾಷ್ಟ್ರೀಯ ಮಹೋನ್ನತ ಗೌರವ ಡಾಕ್ಟರೇಟ್ ಪದವಿ" ನೀಡಿ ವಿಶೇಷವಾಗಿ ಗುರುತಿಸಿ ಗೌರವಿಸಿದ್ದು, ಅಂದು ನವದೆಹಲಿಯಲ್ಲಿ ನಡೆದ ಘಟಿಕೋತ್ಸವ ಸಮಾರಂಭದಲ್ಲಿ ನಾನು ಭಾಗಿಯಾಗಿ ಈ ಗೌರವ ಡಾಕ್ಟರೇಟ್ ಮಹೋನ್ನತ ಪದವಿಯನ್ನು ಸ್ವೀಕರಿಸಿದ್ದು ನನ್ನ ಬದುಕಿನ ಬಹು ದೊಡ್ಡ ಸಾರ್ಥಕತೆ! ಇದಕ್ಕೆ ಮೂಲ ಕಾರಣರಾದರಂತವರು ಅಮೇರಿಕಾದ ಕೇಂಬ್ರಿಡ್ಜ್ ಯೂನಿವರ್ಸಿಟಿಯ ಪ್ರೊಫೆಸರ್ ಆದ ಮೈಸೂರಿನ ನಮ್ಮ ಡಾ. ಸವಿತಾ ರವಿಶಂಕರ್ ರವರು. ಹಾಗಾಗಿ, ಅವರಿಗೆ ನಾನು ವಿಶೇಷ ಧನ್ಯವಾದಗಳನ್ನು ಸಲ್ಲಿಸುತ್ತಿದ್ದೇನೆ.

ನಿಜ! ಆ ನನ್ನ ಬದುಕಿನ ಸಾರ್ಥಕ್ಯತೆಗೆ ಹೊಸದೊಂದು ಮೈಲಿಗಲ್ಲಿನ ಸಂತಸದ ಹರುಷಕ್ಕೆ ಇಂದು ತುಂಬಿತು ಬರೋಬ್ಬರಿ ಒಂದು ವರುಷ!