شيلة الجيب - العذب & عبدالكريم البدراني - الله على قيمته تبهت الحيل 2024 حصري

لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" لمتابعة شيلات الروقي عبر السناب "

  / u511a  

شيلة مهداه لمالك الابل :
حمد بن عبيد الحيسوني

كلمات : عبدالكريم البدراني

الله على قيمته تبهت الحيل
والمال في مشراه ماهو خسارة

جيب حديده ماتصاغا من الشيل
توه نزل مافوقه الا غباره

من المظلة لانسحب تالي الليل
مثل المهوجس لاسحب له زقارة

اليا غدا لمحركاته تعاويل
كنه لزيز الي بماها غزاره

قدمه خشوم النفد ماهي عراقيل
والنقرة الي مثل بطن الغضارة

واليا عطا خط مثل جرة الميل
كنه ظهر صل ٍ يبيله خبارة

وراني الراحة ووريته الويل
ابي رفيقٍ موعده في زيارة

الحربي الي يذبح الحشو والحيل
وتلقى القبايل كلها حول ناره

بمدوحٍ ماحط للقال والقيل
في مفرش الخبة تقل حيد قارة

بيت لعكفان الشوارب مداهيل
تغيض الغابة منارة وجاره

يطش فيه من الخشيب المجاثيل
سمر الحرار الي مولٍ خضاره

سوالفه غشنة وترحيبته سيل
وشبحه بعيد وكل كبده مرارة

سمعة حمد هي ثالث الجدي وسهيل
حيث انها نجم وسيع مداره

تمشي بها ركابة الجيش والخيل
راع الوطن والي بعيدٍ دياره

وطول الشتاء تنزح له البدو وتحيل
يبون هرش مايقصر هجاره

هرش مادسه في بطون الغراميل
كم واحد شاف السعد من حواره

مسبله لوجيه الاجواد تسبيل
مايعتذر في صحته وبعشاره

يوم اكثر اهل الزمل مامن محاصيل
قدر ٍمافيه الا الحرق والكرارة

يجي له المحتاج ويردها حيل
ويراجعه كنه يراجع وزارة

واخو خليف فعوله تمثل الجيل
واسمه كبير ومركزه فالصدارة

ويدير وضح ماولوها العماميل
ماقام ينشدهم وهو فالغمارة

معها التزامه مايجي فيه توكيل
مثل التزام العسكري بالخفارة

مع دربها شاف الشقا والغرابيل
ماجابها عقب الرخا والتجارة

ولاحط له في جو الاعلام تطبيل
واهل الهروج مخوشين الجحارة

الي هبايبهم تلم السماليل
والذيب منهم يشتغل شغل فارة

تفقدهم اليا جيت جمع الرياجيل
وعلى التواصل يصنعون الاثارة