Nağaranı 73 yaşında da virtuoz ifa edən, Habil Əliyevi heyrətə salan sənətkar - APA TV

#APATV #QaraşCəlilov #RafiqCəlilov #Şirvan #nağara #nağaraustası #virtuoz #sənətkar #HabilƏliyev #kaman #Bəyinoğurlanması #film #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi

Nağaranı 73 yaşında da virtuoz ifa edən, Habil Əliyevi heyrətə salan sənətkar

“Bu gün biz virtuoz nağara ustası Qaraş Cəlilovun qonağıyıq.”
Ömrünün 55 ilini nağaraya həsr edən Rafiq Cəlilov Şirvanda yaşayır. 73 yaşı olsa da bu gün də nağaranı elə əvvəlki illərdə olduğu kimi məharətlə ifa edir.

O deyir ki, nağara onun üçün öz övladı kimidir: “55 ildir mən bu sənətdəyəm. Bu sənətdən doymuram. Gözümü yumana qədər nağaranı yerə qoymayacağam.”

Əsl adı Rafiq olsa da hamı onu Qaraş adı ilə tanıyır. Ona həm də “Şapatır -S Qaraş” da deyirlər. Müsahibimiz deyir ki, bu adın və ləqəbin ona verilməsinin də öz tarixçələri var: “Ritmlər cürbəcürdür. Şapatır ritmi Bakı ritmi. Özbək ritmlərini mən gətirdiyim üçün ləqəbimi “şapatır-s” qoyublar. Aqqa mənə dədə deyirdi. Sonra öyrəndim ki, Qurbanxanın atasının adı Qaraş olub. Həsənağagil də məni baba çağırırdılar. O vaxtdan adım qaldı Qaraş. İndi Rafiq kimi məni tanıyan yoxdur.”

“Qaraş müəllim uzun müddət tanınmış kaman ustası Habil Əliyevi səhnələrdə müşayiət edib. Həm də Qaraş müəllimin Habil Əliyev haqqında müxtəlif xatirələri var ki, bu gün onu bizlə bölüşəcək:

Günlərin bir günü Gəncəyə toya gedirik, gecikmişəm. Elə oldu Qaradağda yol polisi məni saxladı. Nə isə düzəlişdim çıxdım yola. Gəldim maşını saxladım orda. Habil müəllim mənə “əə qaqaş, niyə gecikmisən? Bax təkər buraxıb demə, benzin qurtarıb demə, “QAİ” saxlayıb demə.” Amma “QAİ” saxlamışdı axı məni. Dedim nə təkər buraxıb, nə benzin qurtarıb, nə də “QAİ” saxlayıb. -Onda niyə gecikmisən bəs? Dedim ki, bizdə bir türk mağazası açılıb, oradan bir “budilnik” almışam. o məni səhv durğuzub yuxudan. Güldü. Dedi bütün bəhanələri demişdilər, bu “budilniki” hardan deyib məni güldürdün. Get otur maşına gedək.”

Müsahibimiz 55 illik fəaliyyətindən yadında qalan digər maraqlı əhvalatları da bizimlə bölüşür: “Həsənağanın bir mahnısı vardı nəlbəkidə çalırdı. Dedim, Həsən, sənin o çaldığın nəlbəkilərin hərəsi bir notdu “Do re mi fa sol lya si”, dedim indi mən iki barmaqla o mahnını çalacağam.”

Qaraş usta “Bəyin oğurlanması” və “Girov” filmlərində də epizodik fraqmentlərdə çəkilib. 10 yaşından toy şənliklərində əvvəl qoşanağara, daha sonra nağarada ifa edən Qaraş kişi musiqi aləminin bir çox tanınmış və məşhur musiqiçiləri ilə birgə məclislər aparıb. Ağaxan Abdullayev, Əlibaba Məmmədov, Canəli Əkbərov kimi muğam ustalarının məclislərində iştirak edib.


✅ Rəsmi saytımız: https://apa.tv
✅ Rəsmi facebook səhifəmiz:   / tvapaxeber  
✅ Rəsmi instagram səhifəmiz:   / apatvresmi  
✅ Rəsmi twitter səhifəmiz:   / apatvofficial  
✅ Rəsmi teleqram səhifəmiz: https://t.me/apa_tv
✅ Rəsmi youtube kanalımız: https://www.youtube.com/APAGROUPOffic...



Copyright © APA TV

Videolarda yazılan rəylərə görə kanal rəhbərliyi məsuliyyət daşımır.

REKLAM TƏKLİFİ ÜÇÜN (Contact) [email protected]