Tenore Antonia Mesina Orgosolo Gotzos pro Antonia Mesina

Sardegna Canta 1991
Puntata dedicata ad Orgosolo.
Tenore Antonia Mesina
Giovanni Pira (vohe)
Mauro Crissantu (hontra)
Fausto Carta (bassu)
Peppino Catgiu (mesuvohe)

Testo:
GOTZOS PRO SA BIADA ANTONIA MESINA

In sa sedda Ovadduthai
vi ch'at rut'una culumba,
horfos de tenor'e trumba
li ahimos in onore.
Horfos de trumba e tenore,
pro s'orgolesa eroìna.

Illumina sos terrenos,
Tu'Antonia Mesina.

In sas viddas e citades,
in cuviles e nurahes,
tu'a mediu lu ahe
tzessen sas barbaridades,
gherras e disamistades,
sos odios e benenos.

Tu'Antonia mesina
Illumina sos terrenos.

Huddos hi sun prepotentes,
hi totu pro issos heren.
Huddos hi an su podere
e h'isfrutana sa zente.
Tohalis horo hin mente,
apan zusta dissiprina.

Illumina sos terrenos,
Tu'Antonia Mesina.

Huddos hi sun in cadenas
apan curpa o innossentes.
Dal'illepiu a sa penas
e hunfortu frecuente.
A mamas e a parentes,
a sos nostros e anzenos.

Tu'Antonia mesina
Illumina sos terrenos.

Zente vezza e ansiana
hi sun garrios de males,
in domos e ispidales,
tu'Antonia che sana.
Sos dolores allontana
dande a totus medihìna

Illumina sos terrenos,
Tu'Antonia Mesina.

In bassura e in montanna
patin bestias e pastores,
sos fritos e arraores,
harestias e sicannas.
Bundar'ahe sa campannas
hin beranos prus amenos.

Tu'Antonia mesina
Illumina sos terrenos.

Antonia di prehamos
hi a Orgosolo azudes,
da nos ortzas e saludes
a sos hi bisonzu nd'amos,
in cambiu di naramos
rosarios e nuvinas.

Illumina sos terrenos,
Tu'Antonia Mesina.

Infines sias beninna
hin totu sas creaturas.
Proteze da isventuras
e perfidia malinna.
E sias de sa Sardinna
sa protetora e reìna.

Illumina sos terrenos
Tu'Antonia Mesina.